Ekleziyaste 9:9 - Bhiblia Yo Sawuleka

⁹ Hanya ni msikati wu umrandako, otshe masiku a kuhanya ka wukanganyisi wako; aale Txizimu txi nga kuninga hahatshi ka ditambo, otshe masiku a wukanganyisi wako; nguko atxiya ngu txona txyavelo txako kuhanyani kwako, ni ka mthumo wako, awu u nga wu maha hahatshi ka ditambo.

Ekleziyaste 9:9 Referans Kwoze

Ekleziyaste 2:10

Se sotshe si si nga navelwa ngu maso angu, kha na ma lambela, kambe kha na lambela mbilu yangu ka litsako ni lalimwelo; aniko mbilu yangu yi to tsakiswa ngu wotshe mthumo wangu, se atxiya ngu txona txyavelo txangu ka wotshe mthumo wangu.

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Ekleziyaste 6:12

Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?

Ekleziyaste 3:13

ni kungako m'thu a txi dya, e sela, e tsaka, ngu mthumo wakwe wotshe. Etxo njiningo txota ngu ka Txizimu.

Ekleziyaste 7:15

Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe.

Ekleziyaste 5:18

Mhaka ya yinene yo tshura yi ni nga yi wona, ngu yiya: Ngudya ni kusela, ni kutitsakela mmwani ni mmwani, ngu dibhindu da wotshe mthumo wakwe, wule a nga wu maha hahatshi ka ditambo, ka otshe masiku a kuhanya kwakwe, aale Txizimu txi nga mninga; nguko atxiya njiavelo txakwe.

Ekleziyaste 3:22

Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?

Ekleziyaste 2:24

Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.

Mavingu 19:14

Nyumba ni silo ngu sona i kuthomba ya vatate ka vanana; aniko wamsikati wamnene ata ngu ka Mkoma.

Mavingu 18:22

Awule a manako msikati a mana txilo txatxinene, kambe a mani kukatekiswa ngu Mkoma.

Masalmo 144:4

M'thu a fana ni wukanganyisi; masiku akwe ma fana ni mtsudi wu wu pindako.

Masalmo 39:5

U ni ningile kuhanya masiku amadotho ngutu; masiku a kuhanya kwangu hi nga txilo masoni kwako. M'thu, hambi a txi tipfa a di tsani i mbukanganyisi wo gwita!

Genesisi 26:8

Ku di pindile mbimo ya hombe koneyo, ngu txikhati txokari, Abhimeleki, mfumeli wa ditiko da Vafilista, ngako a txi solela hahanze ngu ha difasitelani, a to wona Isaake a txi khutarela Rebheka msikati wakwe.