Ekleziyaste 9:8 - Bhiblia Yo Sawuleka

⁸ Ambala syambalo so basa mbimo yotshe, ku nga thuke kupwateka mafura ha msungo kwako.

Ekleziyaste 9:8 Referans Kwoze

Mtuletelo 19:14

Sikwata sa masotxhwa a nzumani sa mu londetela, si di gadhile mahantxhi o basa, va di ambate syambalo sa linya yo basa ya lisima.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

Dhaniyeli 10:3

Ni sidyi sakudya so dhundeka, nyama ni vhinya si si wuleli mkanani kwangu, kambe ni si toli mafura, kala kuza kuguma mavhiki mararu.

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

2 Samuwele 19:24

Mexibhoseti mwana Sawule, a to relela nene e hingeta mfumeli, a to tsula a sa samba minenge, hambi kuwila maletu akwe, hambi kukuwula syambalo sakwe, kukhukhela ka ditshiku di mfumeli a nga khukha ngu dona kala ka ditshiku di mfumeli a nga wuya ngu kudikha.

Rute 3:3

Ngu mhaka yeto, samba, u txi tola mafura, u txi ambala simaha sako, u relela didhandoni, aniko u nga ti zivekise ka wamwamna, kala kuza a txi gwita kudya ni kusela.

Matewu 6:17

Aniko awe, mbimo yi u ti tonako sakudya, tola mafura ha msungo kwako, u txi samba khoheni,

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

2 Samuwele 14:2

a to rumela vathu veya Tekowa, kuya teka wamsikati wa wutxhari, a txi ta khene kwakwe: Ti mahise u txi nga u to felwa; ambala syambalo sa mizila, u nga tole mafura, mahisa ku nga wamsikati wule a ku ni masiku amangi ni mizila ngu mhaka ya kufelwa.

Luka 7:46

Awe khwa ni tota msungo ngu mafura, aniko ene a ni totile mikondo yangu ngu mafura o bhumula.