Ekleziyaste 9:7 - Bhiblia Yo Sawuleka

⁷ Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Ekleziyaste 9:7 Referans Kwoze

Ekleziyaste 10:19

Vathu va rambana kasi ku ta tsaka, ni vhinya yi tsakisa kuhanya, kambe sotshe si manwa ngu male.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.

Ekleziyaste 5:18

Mhaka ya yinene yo tshura yi ni nga yi wona, ngu yiya: Ngudya ni kusela, ni kutitsakela mmwani ni mmwani, ngu dibhindu da wotshe mthumo wakwe, wule a nga wu maha hahatshi ka ditambo, ka otshe masiku a kuhanya kwakwe, aale Txizimu txi nga mninga; nguko atxiya njiavelo txakwe.

Mithumo 10:35

Kambe ka dihi ni dihi ditiko, awule a txi thavako ni kumaha to lulama wa sikota kuamukelwa ngu txona.

1 Vafumeli 8:66

Se ka ditshiku da wutxhanu ni mararu, a to hangalasa vathu, se vona va to bonga mfumeli; sekoko va to tsula matendani kwawe, va di tsakile ve zilimuka timbiluni kwawe, ngu mhaka ya totshe ta tinene, tile Mkoma a nga mahela txithumi txakwe Dhavhidha, ni vathu vakwe va ka Israyeli.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Johani 4:50

Jesu a to mu angula a txi khene: “Tsula, mwanana wako a hanyile.” M'thu wuwa a to kholwa ka mapswi a Jesu, e tsula.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Marku 7:29

Sekoko ene a to mu xamula a txi khene: “Ngu konaho ka dipswi diya, tsula, didhimoni di humile ka mwanana wako.”

Genesisi 12:19

Ngu kutxani u nga khawe i ndiyangu kani? Ngu mhaka yeto, ni mtekile a txi mmaha msikati. Se konkuwa, ndiyo msikati wako, mteke, u txi tsula nayo.”

Mitengo 6:20

Se mphaxeli a na si maha mningelo wa lisima masoni ka Mkoma. Sona mningelo wo sawuleka wa mphaxeli, kumweko ni khana yi yi nga ningelwa, ni mningelo wu wu nga siyetwa. Msana keto, Mnazira a nga sikota kusela vhinya.

Ekleziyaste 7:14

Tsaka ngu ditshiku da makatekwa, aniko alakanya ditshiku da xomulo; nguko masiku awa, ngu wumbidi wa ona, ma mahilwe ngu Txizimu, kasi ku m'thu asi zivi ti ti no humelela msana kwakwe.

Ekleziyaste 11:8

Ngako m'thu a txi hanya malembe o tala, se e tsaka mndani ka ona otshe, a na alakanye masiku a txidema, nguko ma nava amangi. Totshe ti ti humelelako mbukanganyisi.

Rute 3:7

Bhowazi ngako a di dyite ni kusela, na mbilu yakwe yi di tsakile, a to ya otela hafuhi ni mmumbu wa sevhadha; sekoko Rute a to ta ngu kunyanimela, a txi ya vhunungula didhamba ngu mikondoni ka Bhowazi, a txi otela.