Ekleziyaste 9:16 - Bhiblia Yo Sawuleka

¹⁶ Sekoko ani ni to khani: I txhuko wutxhari kupinda mtamo, hambi ku wutxhari wa txisiwana wu nga eyiswa, ni mapswi a txona kha ma pfiwa ngu m'thu.

Ekleziyaste 9:16 Referans Kwoze

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

Mavingu 24:5

Wamwamna wo txhariha a tsani ngutu, kambe wamwamna wo ziva a ni mtamo ngutu.

Mavingu 21:22

Txhari ya kwela didhoropani ka vanyamitamo, yi haxula mtamo wule va thembako wona.

Ekleziyaste 9:18

I txhuko wutxhari kupinda matxhari a yimbi, aniko muonhi mmweyo wa onha somaha so tala.

Mavingu 10:15

Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.

Mavingu 8:14

Sileleto ni wutxhari wa ditshuri si huma kwangu; ani ngani mapimo, mtamo wu huma kwangu.

Ekleziyaste 7:12

Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.

Ekleziyaste 10:10

Ngako nzanga yako yi di pinyekile, u txi divala ku yi lota, m'thu a fanela kuengetela mtamo; aniko wutxhari wu vhuna m'thu kuhumelela.