Ekleziyaste 9:11 - Bhiblia Yo Sawuleka

¹¹ Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Ekleziyaste 9:11 Referans Kwoze

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Ekleziyaste 3:17

Ani ni to khani mbiluni kwangu: Txizimu txi na lamula wo lulama ni wo biha; nguko ku ni mbimo ya wotshe wubihi, ni mbimo ya wotshe mthumo.

Ekleziyaste 3:14

Ani na tiziva to sotshe si Txizimu txi si mahako, si na simama kala kupinduka; kha ku dingani kuengetelwa txilo, hambi kuthaviswa txilo. Se eto Txizimu txi mahela ti to ku va ni txithavo masoni ka txona.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Jeremiya 46:6

Hambi va livilo kha va ti koti kututuma, tindena kha ti huluki, va thavete didhawa da Wuphemba, hafuhi ni likasa la mnambo wa Ewufrate, va humbilwe va txi wa.

Ekleziyaste 7:13

Wonisisa mthumo wa Txizimu; nguko i mani a nga lulametako asi txi nga si maha si di gombonyekile kani?

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Ekleziyaste 2:12

Sekoko ni to wonisisa kuhambana ka wutxhari, ni lihuhe, ni wuphukuphuku; nguko m'thu wule a londetelako mfumeli, a nga maha txani kani? To fana ni tile vamwani va nga maha.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

1 Samuwele 17:50

Ngu kumaha keto, Dhavhidha a to xula Mufilista, ngu txibhalakaza ni dirigwi, a to faya Mufilista, se e m'daya na Dhavhidha asi nga ni ditxhari manzani.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

1 Samuwele 6:9

Sekoko wonani: Ngako txi txi kwelela ngu nzila ya m'hingano wa kuya Bheti-Semi, ngu txona Txizimu txi nga hi vangela dikhombo diya da hombe; ani i si ngeto, hi na tiziva taku dianza dakwe kha da hi gwesa, ni ti taku eto ti to hi humelela dwe.

Masalmo 76:5

Tindena ta hombe ti honyoletwe sa tona hambiko i nga ti vanyamitamo, kha va sikota kumaha txilo se va otete wukohe wawe wa magwito!

Mavingu 1:5

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

Ekleziyaste 9:2

Totshe ti humelela ngu kufana masoni ka votshe: toneto, ta humelela ka wo lulama ni ka wo biha, ka wamnene ni ka wo sawuleka, kufana ni ka wo mbi sawuleka; ngu toneto ka wule a ti karatako, kufana ni ka wu asi ti karatiko; ka wamnene kufana ni ka muonhi; ka wule a xambanyako kufana ni ka wule a thavako kuxambanya.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?