Ekleziyaste 9:10 - Bhiblia Yo Sawuleka

¹⁰ Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Ekleziyaste 9:10 Referans Kwoze

Vakolosa 3:23

Totshe ti mi ti thumako, ti maheni ngu yotshe mbilu yanu, ngu kuziva ti to mi thumela Txizimu, kha mi thumeli m'thu.

Vaefesu 5:16

londolani mbimo yi mi ku nayo, nguko masiku a ngweno ma bihile.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Masalmo 6:5

Msana ka kufa, kuwalo wu a no kualakanya. I mani a no kudhumisa diyivani, kani?

1 Vakorinto 9:24

Ina kha mi tizivi ti to ava va mahako mapalisana a livilo ha mthandani, votshe va tutuma, kambe i mmweyo dwe a wuyelwako ngu txhatxhazelo, kani? Nananu tutumisani toneto, kasiku mi na mana kufuhwa.

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Jeremiya 29:13

Mi na ni lava, mi na ni mana ngako mi txi ni lava ngu mbilu yanu yotshe.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

1 Vakorinto 9:26

Ani kha ni mahi nyamtutume, kambe kha ni lwisi ku nga no peketela diphuho.

Johani 9:4

Ta laveka ti taku ani ni maha mithumo ya wule a nga ni ruma, na i di ngadi mitshikari; wusiku wata, ahawa m'thu asi sikotiko kuthuma txilo.

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Ekleziyaste 11:3

Ngako marefu ma di ngadi tate ngu mati, ma na ma tshakunuta ha mafuni, ni kungako mndonga wu txi wela didhawa da wuphemba mwendo da wulambwe, ka wukhalo wule mndonga wu no wela kona, wu na zumba kona eho.

Nehemiya 4:2

Se a to womba masoni ka vanawe, ni ka dibutho da yimbi da Samariya, a txi khene: Va maha txani Vajudha va vo pwata mtamo kani? Va nga tumelelwa tona eto kani? Va na maha mhamba kani? Ina va heta kuaka ngu ditshiku dimwedo kani? Ina va na wusa amu ka simbwindinga sa lithulu, marigwi ale ma nga hiswa kani?

Nehemiya 4:6

Ngu kumaha keto, hi akile diguma, ka dotshe diguma, ku to bhiywa hafu ya diguma; nguko timbilu ta vathu ti ti ningetete amu ko thuma.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

1 Vakorinto 16:10

Ngako Timoti a txi mi tela, ti lulamiseleni, kasiku asi ta va ni kuthava txilo, nguko nene wa khutala mthumoni, ka Mkoma, kufana ni nani.

Nehemiya 2:12

Se ni to wuka ni wusiku, ani ni vavamna vokari, kambe kha na gela m'thu a ti Txizimu txangu txi nga ti ti vekile mbiluni ku ni ya ti mahela Jerusalema; hambi txihari ni si nga natxo, hahanze ka txile ni nga ti ti gadhile.

1 Makronika 28:20

Se Dhavhidha a to khene ka mwanakwe Solomoni: Tsana, u nga kanakane, maha mthumo; u nga thave, hambi kudhudhumela, nguko Mkoma Txizimu, Txizimu txangu, a na va ni nawe; kha na mbi ku leka, hambi ku ku divala, kala kuza u heta wotshe mthumo wo aka Nyumba ya Mkoma.

Mitengo 13:30

Sekoko konaho Kalebhi a to malata vathu, va va nga ti tshanganile masoni ka Mosi, a txi khene: “A hi tsimbileni hi ya teka ditiko, nguko kha ditshuri hi na ya va xula.”

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

1 Samuwele 10:7

Se ku na maheka taku, mbimo si sikombiso si si no woneka kwako, maha ti u no ti wona i di ta tinene kwako, nguko Txizimu txi ni nawe.

Jobe 21:13

Kuhumelelani kwawe, va heta masiku awe, se ngu mbimo yayidotho ve relela dithithani.

Isaya 38:10

Ka masiku a kutsaka kwangu, ni naya ha txikeni ka dithitha; se ni tsivetwe malembe angu ale ma nga sala.

Jobe 10:21

ni sanzi kutsula do gwita, da kuva ni si wuyi kambe, mafuni ka txidema ni mtsudini ka lifo;

Jobe 10:22

mafuni ko kidiva nga txidema txipune, mafu a mtsudi wa lifo, kambe ma singako ni txhatxhameto ni ya yimweyo, emo liwoningo li fanako ni txidema.

Mavingu 3:28

U nga wombe ka mwakelani wako taku: Tsula, u na wuya, ni nata kuninga mangwana, na kuve u naso.

Matewu 20:7

Vona va to mu xamula va txi kha vona: ‘Nguko kha ha tholwa ngu m'thu.’ Se ene a nje khene: ‘Tsulani na nanu thembweni kwangu ka mivhinya.’

Johani 5:4

Nguko, ngelozi yi ti txhikela dizivani ngu mbimo yokari, yi ta vhilusa mati; se awu a nga txi thanga ene e wulela, na mati ma di ngadi kuvhiluswa, a ti ti hanyiswa ka wulwati wakwe, hambi wuhi ni wuhi.