Ekleziyaste 9:1 - Bhiblia Yo Sawuleka

¹ Ni tikaratile kupfisisa totshe timhaka tiya mbiluni kwangu, kasi ku ni ziva kha kwati totshe tiya: Ti to valulami, ni titxhari, kumweko ni mithumo yawe, va manzani ka Txizimu, ni ti taku m'thu kha zivi lirando, hambi livengo; totshe ti pinda ngu masoni kwakwe.

Ekleziyaste 9:1 Referans Kwoze

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Ekleziyaste 8:14

Ku ngadi ni wumwani wukanganyisi wu mahwako txitimwi ka mafu: Ku ni vo lulama, va txhatxhazelwako ngu mithumo ya vabihi, ni vabihi va va txhatxhazelwako ngu mithumo ya vo lulama. Ni khani eto ni tona mbukanganyisi.

Jobe 12:10

ni ti to mihefemulo ya sotshe si si hanyako, ni moya wa votshe vathu, si manzani ka Tizimu kani?

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Isaya 26:12

Mkoma, awe u na hi ninga kudikha, nguko awe ngawe, u nga maha kwathu yotshe mithumo yathu.

Mavingu 16:3

Veka themba ya simaho sako ka Mkoma, se mipimiso yako yi na maheka.

Masalmo 31:5

Na ti veka ngu kuhetiseka manzani kwako; ni hanyise, Mkoma, nguko awe u wo thembeka!

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Ekleziyaste 10:14

Txiphukuphuku txi andisa mapswi, aniko m'thu kha ti zivi ti ti no humelela; se i mani a no m'zivisa ti ti no humelela msana kwawe kani?

Ekleziyaste 8:16

Ni txi maha ti to mbilu yangu yi thuma ngu wutxhari, ni kuwona mthumo wu wu ku txitimwi ka mafu (m'thu koko kha mani wukohe, ni wusiku, mwendo ni mitshikari),

Ekleziyaste 7:25

Ni to tshumela ni ningetetela mbilu yangu ka kuziva, ni kuxolisisa, ni kulava wutxhari, ni ditshuri, ni kuziva wuphukuphuku wa kubiha, ni ti to wuphukuphuku ngu xanga.

Ekleziyaste 7:15

Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe.

Ekleziyaste 1:17

Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya.

Masalmo 73:3

Ani ni ti bavela ava va kutikulisa, ngu kuwona kuzumbiseka ka vabihi.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Jobe 5:8

Aniko ani, ni na xota Txizimu, se ka txona, ni na womba kukelelelwa kwangu.

Masalmo 119:109

Wutomi wangu wu ha phangoni yotshe mbimo, aniko kha ni divali mlayo wako.

Ekleziyaste 9:6

Hambi lirando lawe ni livengo lawe, ni wukhuxu wawe, se si fuvile; kha ve ngadi ni txyavelo ni txatximweto ka diya ditiko, ka ni txihi txi txi mahwako hahatshi ka ditambo.

Jeremiya 43:6

I ku vavamna, ni vavasikati, sizambiana ni vanana va mfumeli vamahorana, ni sotshe so hanya asile si nga siwa ngu Nebhuzaradhani, mthangeli wa yimbi, ni Gedhaliya, mwana Ahikamu, mwana Xafani, kumweko ni Jeremiya, mprofeti, ni Bharuke mwana Neriya.

Jobe 27:12

Wona taku, anu motshenu, se mi ti woni eto; ngu kutxani koko mi lovako amu kukanganyisani kani?

Ekleziyaste 8:7

Nguko kha zivi ti ti no humelela; i mani a no mmaha e tiziva ti ti mahekisako tona kani?