Ekleziyaste 8:1 - Bhiblia Yo Sawuleka

¹ I mani a fanako ni txhari kani? Niku i mani a zivako kutxhamusela to maha kani? Wutxhari wa m'thu wa maha khohe yakwe yi phatima, ni kukhwanyela ka khohe yakwe ka txitxa.

Ekleziyaste 8:1 Referans Kwoze

Mithumo 6:15

Sekoko votshe va va nga ti khate ha banzani ka wukoma va to mu ronokela ngu maso ve wona khohe yakwe yi txi fanana ni ya ngelozi.

Dhewuteronome 28:50

Awule mfumo wu ku ni khohe yo banga, awule wu si tsetsiko vale i ku vo kumba, mfumo wu wu si tsetsiko vanana.

2 Pedro 1:20

Aniko, masoni ka totshe, zumbani mi txi tiziva ti to kuwalo dipswi da vaprofeti, adiya m'thu a sikotako ku di txhamusela ti txi khukhela ha msungo kwakwe.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Mithumo 4:29

Se konkuwa, Mkoma, wona kudhukisa kwawe, u txi ninga sithumi sako kuwomba dipswi dako, na va si thavi txilo.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Mavingu 17:24

Wutxhari i tshungameto ya wule a ku ni mapimo, aniko maso a m'thu wo mbi pfisisa ma hoka magwito ka mafu.

Jobe 33:23

Se ngako m'thu a txo dhuka e vhunwa ngu ngelozi, mtxhamuseli, mmweyo hagari ka magumi a mazana, kasi kuzivisa m'thu kululama kwakwe,

Vaefesu 6:19

Nanani ni kombeleleni, kasiku Txizimu txi txi ni tula khana, mbimo yi ni lavako kugondisa, ti to ni sikota kuwombawomba, ni si thavi txilo, ni txi zivisa vathu txikungo txa Evhangeli;

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Mavingu 24:5

Wamwamna wo txhariha a tsani ngutu, kambe wamwamna wo ziva a ni mtamo ngutu.

Mavingu 1:6

kasi kupima mavingu ni ku ma txhamusela ka kona, kumweko ni mapswi a titxhari, ni kuhutetela ka kona.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Varoma 13:5

Ngu konaho, mi fanete kutiveka hahatshi ka wukoma, i si nga ngu kuthava kuhenyelwa dwe, aniko ngu mhaka ya livhalo.

Mavingu 21:29

M'thu wu i ku muonhi, wa thuvikisa khohe yakwe, kambe awule wo lulama wa tsana nzilani kwakwe.

Eksodha 34:35

Vanana va ka Israyeli va woni khohe ya Mosi yi txi phatima, se ene a to engeta a txi ti fenengeta khohe ngu nguwo, kala kuza a txi wulela kambe kasiku a txi ya womba-womba nayo Mkoma.

Mavingu 12:8

M'mmweyo ni mmweyo a na dhundwa ngu mapimo akwe, aniko awu a ku ni mbilu yo hambana, a na txhipiswa.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.