Ekleziyaste 7:9 - Bhiblia Yo Sawuleka

⁹ U nga kuluvete kuhenya moyani kwako, nguko kuhenya kuzumba hagari ka siphukuphuku.

Ekleziyaste 7:9 Referans Kwoze

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Mavingu 14:17

Awule wo kuluveta kuhenya wa ti maha txiphukuphuku, ni m'thu wa mipimiso yo biha a na vengwa.

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Marku 6:19

Herodhiya a to wukela Johani, e lava ni ku m'daya, aniko asi sikoti.

Jona 4:9

Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.

2 Samuwele 19:43

Se vavamna va ka Israyeli va to xamula ka vavamna va ka Judha, va txi kha vona: Athu hi ni digumi da tifanelo ka mfumeli, hambi ka Dhavhidha hi nato ngutu kupinda anu; ngu kutxani koko, mi si khataliko ngu ngathu, kasiku dipswi dathu di si mahi do khata, kasi kutshumela hi wuyisa mfumeli wathu kani? Kambe dipswi da vathu va ka Judha di ve ni mtamo ngutu kupinda dipswi da vathu va ka Israyeli.

2 Samuwele 13:22

Kambe Abhisalome kha womba txilo txo biha hambi txo tshura ka Aminoni; nguko Abhisalome, a to vengela Aminoni ngu kule a nga kurumeta Tamara, ndiyakwe.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Marku 6:24

Se awu wa txihoranana a to huma, a txi ya khene ka mame wakwe: “Ni na kombela txani kani?” Ene a to xamula a txi khene: “Kombela msungo wa Johani Mubhabhatisi.”

2 Samuwele 13:32

Kambe Jonadhabhe, mwana Simeya, mwanawe wa Dhavhidha, a to xamula, a txi khene: U nga wombe ka nyamne wangu ta ku votshe vanana va mfumeli va datwe, nguko i Aminoni e kha a nga fa; nguko Abhisalome a ti ti mbejete, kukhukhela ka ditshiku dile Aminoni a nga kurumeta Tamara, ndiyakwe.

Genesisi 4:8

Se Kayini a to langana ni mwanawe Abhele: “A hi tsimbile thembweni.” Se ku to maheka taku, va di thembweni, Kayini e wukela mwanawe Abhele, a txi m'daya.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Ekleziyaste 7:10

U nge khawe: Ngu kutxani masiku a kale ma nga ti txhuko kupinda awa kani? Nguko eto ngu wutxhari khu na mbi dhuka u ti wotisa.

Mavingu 25:8

U nga tutumele ku ti wuleta mu ko kanetisana, ngu magwito, u nga pwata ni to maha, se u xamalwa ngu mwakelani wako.

Jona 4:3

Na ku kombela koko, awe Mkoma thavisa wutomi wangu, nguko i tshuko kwangu kufa kupinda kuhanya.

Jona 4:8

Se ku to maheka taku, kuhumani ka ditambo, Txizimu txi rumela moya wo hisa wa wutxani, se ditambo di peka msungo wa Jona, se a to tsivala; e navela ngu wotshe moya wakwe kufa, a txi khene: “I txhuko kwangu kufa kupinda kuhanya.”