Ekleziyaste 7:5 - Bhiblia Yo Sawuleka

⁵ I txhuko kuengisa kukawukwa ngu txhari, kupinda kuengisela ndando ya txiphukuphuku.

Ekleziyaste 7:5 Referans Kwoze

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Mavingu 13:18

Wusiwana ni tingana si nata ka wule a nyenyako kulaywa, aniko awule a veketako kukawukwa, a na dhundwa.

Mavingu 27:6

Ku dawiswa ngu mngana i txhuko, aniko kupswopswa ngu mkanganyisi ka vengeka.

Mavingu 17:10

Silayelo sa wulela kha kwati ka m'thu wo pfisisa, kupinda ka txiphukuphuku txo mbi kwapwa.

Mavingu 13:13

Awule a nyenyako silayelo a na lova, aniko awule a thavako mlayo, a na wuyelwa.

Mavingu 9:8

U nga kawuke mtseketseli, kasi ku asi ku vengi; kawuka txhari, yi na kuranda.

Masalmo 69:12

Va womba-womba ngu ngani mu tinzilani ka didhoropa ni madevi ma embelela tindando ngu ngani.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Ekleziyaste 7:4

Timbilu ta titxhari ti nyumbani ka madila, aniko timbilu ta siphukuphuku ti nyumbani ka litsako.

Ekleziyaste 9:17

Mapswi a titxhari, ma dingana kuengiselwa kha kwati, kupinda diguwa da wule a khozisako siphukuphuku.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.