Ekleziyaste 7:10 - Bhiblia Yo Sawuleka

¹⁰ U nge khawe: Ngu kutxani masiku a kale ma nga ti txhuko kupinda awa kani? Nguko eto ngu wutxhari khu na mbi dhuka u ti wotisa.

Ekleziyaste 7:10 Referans Kwoze

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Ekleziyaste 7:9

U nga kuluvete kuhenya moyani kwako, nguko kuhenya kuzumba hagari ka siphukuphuku.

Ekleziyaste 7:11

Wutxhari mbunene kufana ni thomba, ka wona va mana txokari avale va wonako ditambo.