Ekleziyaste 7:1 - Bhiblia Yo Sawuleka

¹ Ndinene kuva ni nduma ya yinene, kupinda mafura o bhumula; ni ditshiku da kufa kupinda ditshiku da kuvelekwa ka m'thu.

Ekleziyaste 7:1 Referans Kwoze

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

Mavingu 22:1

Ditina da dinene da dhundeka ngutu, kupinda tithomba tatingi; ni wunene i txhuko kupinda nzalama.

Ekleziyaste 4:2

Ngu mhaka yeto, ni dhumisa vale va nga fa, kupinda vale va ku ngadi va txi hanya.

2 Vakorinto 5:8

Athu hi ku ni kuthemba, hi navela kuhuma ka mmidi wuwa hi txi ya zumba ni Mkoma.

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Ekleziyaste 10:1

Nga kule phuka yofa yi pfalisako kununga ko txhipisa mafura o bhumula, ngu toneto, wuphukuphuku wa onha wutxhari ni wudhumo wa m'thu wa nduma.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

Isaya 56:5

Kambe ni na va ninga nyumbani kwangu, ni mndani ka maguma angu, wukhalo ni ditina, sa txhuko kupinda sa vanana va mazambi ni vanana vamahorana; Ni na ninga ditina do mbi na magwito ka mmweyo ni mmweyo, adi di na kwa mbi pfhiteka.

Mavingu 15:30

Litsako la maso la tsakisa mbilu, nduma ya yinene yi nonisa ni marambu.

Jobe 3:17

Eho, vo biha va tandeka kukhulumetela; se avale vo karala va humula kona.

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.

Vahebheru 11:39

Aniko, votshe vathu vava, hambiko va nga mahelwa wufakazi wa wunene ngu mhaka ya kukholwa kwawe, kha va mana asi va nga ti thembisilwe kuamukela sona.

Vahebheru 11:2

Ngu mhaka ya likholo, vakale va mani nduma ya yinene.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Ekleziyaste 7:8

I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.

Jona 4:3

Na ku kombela koko, awe Mkoma thavisa wutomi wangu, nguko i tshuko kwangu kufa kupinda kuhanya.

Rute 3:14

Rute a to otela koko mikondoni ka Bhowazi, kala ni mixo; se a to wuka va sanzi kuzivana, nguko Bhowazi a ti ti khene: “Ti nga zivaneke taku wamsikati wokari a tile ha didhandoni.”

Mavingu 25:10

kasi ku asi ku thavisi lisima awule a no kuengisa, yi si khateli kwako nduma yo biha.