Ekleziyaste 6:9 - Bhiblia Yo Sawuleka

⁹ I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.

Ekleziyaste 6:9 Referans Kwoze

Ekleziyaste 1:14

Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya.

Jobe 31:7

Se ngako ni txi dhuka ni leka nzila, ni mbilu yangu yi txi xengwa ngu maso angu ni kungako manzani kwangu ku ti namarete txokari,

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Ekleziyaste 6:2

M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

Ekleziyaste 5:18

Mhaka ya yinene yo tshura yi ni nga yi wona, ngu yiya: Ngudya ni kusela, ni kutitsakela mmwani ni mmwani, ngu dibhindu da wotshe mthumo wakwe, wule a nga wu maha hahatshi ka ditambo, ka otshe masiku a kuhanya kwakwe, aale Txizimu txi nga mninga; nguko atxiya njiavelo txakwe.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Ekleziyaste 2:11

Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.

Ekleziyaste 1:2

Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi.

Jeremiya 2:20

Nguko ngale ni di funyile dikange dako, ni bhenula tingoti tako, u nje khawe: Na mbiswa ni txi thuma, nguko u sisate ka yotshe mimango yo guleka, ni hahatshi ka yotshe mindonga yo nyuka, u maha wugango.

Ekleziyaste 1:17

Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya.