Ekleziyaste 6:6 - Bhiblia Yo Sawuleka

⁶ Ngu ditshuri, hambi idiku o hanya kumbidi 1.000 wa malenbe, aniko asi tsakiswi ngu txilo, ina votshe kha vayi ka wukhalo wumwewo kani?

Ekleziyaste 6:6 Referans Kwoze

Ekleziyaste 3:20

Sotshe siya wukhaloni kumweko; sotshe lithulu, kambe sotshe si na tshumela si ya lithuluni.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Jeremiya 17:6

Nguko a na fana ni txitxhotxhota txa txiwulani, kha na mbi ma wona makatekwa ma txita; aniko a na zumba ka makhalo ma nga hya mu txiwulani, ka ditiko da mnyu di di singako ni m'thu.

Isaya 65:22

Kha va na mbi akela kuva txi ta zumba vamwani, kha va na mbi phayela ku si ta dyiwa ngu vamwani, nguko masiku a vathu vangu, ma na fana ni masiku a mndonga, se vasawuleki vangu va na tsakela mithumo ya manza awe, kala ve kumba.

Isaya 65:20

Ka dona kha ku na mbi maneka kambe mwanana wo hanya masiku amadotho, hambi txikosana txi txi no mbi hetisa masiku a txona, nguko mwana a na fa a ti ni 100 wa malembe, aniko muonhi wa 100 wa malembe a na ruketelwa.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Masalmo 34:12

Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

Genesisi 5:5

Mtengo wa malembe a kuhanya ka Adhamu i 930. Se ngu msana a to fa.

Ekleziyaste 2:14

Maso a txhari ma ha msungo ka yona, aniko txiphukuphuku txi tsimbila txidemani; kambe ni to ti pfisisa taku votshe va humelelwa ngu mhaka yimweyo.

Ekleziyaste 6:5

Se kha wona ditambo, hambi ku di ziva, aniko wa mana kuhumula kupinda wule mmwani.

Ekleziyaste 7:2

I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.

Ekleziyaste 9:2

Totshe ti humelela ngu kufana masoni ka votshe: toneto, ta humelela ka wo lulama ni ka wo biha, ka wamnene ni ka wo sawuleka, kufana ni ka wo mbi sawuleka; ngu toneto ka wule a ti karatako, kufana ni ka wu asi ti karatiko; ka wamnene kufana ni ka muonhi; ka wule a xambanyako kufana ni ka wule a thavako kuxambanya.