Ekleziyaste 6:3 - Bhiblia Yo Sawuleka

³ Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Ekleziyaste 6:3 Referans Kwoze

Jobe 3:16

Mwendo ngu kutxhiswa ko sisala, nga ni si nga ho kufana ni vanana vale va nga mbi wona kuwonekela ka ditambo.

Jeremiya 22:19

A na tshotshiswa ku nga mbongola, a na ndindwa a txi ya tshotshwa hahanze ka sidinge sa Jerusalema.

Ekleziyaste 4:3

Kambe awule i ku txhuko kupinda votshe, ngu wule a sanzi kuvelekwa; a nga mbi wona mithumo yo biha yi yi mahekako hahatshi ka ditambo.

2 Vafumeli 9:35

Se va to tsula diyivani; aniko kha va mmana, hahanze ka txikwakwa, ni mikondo ni syanza.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Jeremiya 36:30

Ngu konaho, Mkoma a khene xungetano ni Jehoyakimu, mfumeli wa ka Judha: Kha na mbi va ni mwanana wo zumba ha txikhalo ka Dhavhidha; txirumbi txakwe txi na tshotshwa hahanze ha lisanini ka mitshikari ni ha phehoni ka wusiku.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Mavingu 17:6

M'bhoti wa vo kumba ngu kuwona vanana va vanana vawe; se wudhundo wa vanana ngu vatate vawe.

Masalmo 58:8

Vona va na nyeke kufana ni khutumba; kufana ni txirumbu txo txhiswa, va nga wone ditambo.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

2 Makronika 11:21

Se Robhowamu a to randa ngutu Mahaka, mwana Abhisalome, kupinda votshe vasikati va hombe ni va vasikati vavadotho a va a nga ti navo; nguko a ti tekile digumi da vavasikati ni mtxhanu ni vararu, ni mtxhanu wa magumi ni dimwedo a sigango; kambe a to veleka magumi mambidi a vanana va majaha ni mtxhanu ni mararu, ni mtxhanu wa magumi ni dimwedo a vanana vamahorana.

1 Makronika 28:5

Se ka votshe vanana vangu (nguko Mkoma a ni ningile vanana votala), ene a sawute mwanana wangu Solomoni, kuva e khalahatsha ka txikhalo txa mfumo wa Mkoma, txitimwi ka va ka Israyeli.

2 Vafumeli 10:1

Se Akabe a ti ti ni mtxhanu wa magumi a vanana kona Samariya; Jehu a to bhala mapapilo e ma rumela Samariya, ka vathangeli va Jezireyeli, ni madhota, ni ka vaxayisi va vanana va Akabe, a txi khene:

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Ekleziyaste 6:4

Nguko a tile walo, a mwalalela txidemani, ni ditina dakwe di fenengetilwe ngu txidema.

Jobe 3:11

Ngu kutxani ni nga mbi fela mndani ka mame kani? Ni nga mbi gwita ni txi ngadi ni huma ngu mndani kani?