Ekleziyaste 6:2 - Bhiblia Yo Sawuleka

² M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

Ekleziyaste 6:2 Referans Kwoze

Ekleziyaste 5:19

Se ka m'thu wule Txizimu txi nga mninga tithomba ni mipeto, ni mtamo wa ku tidya, a txi teka txyavelo txakwe, e ti tsakela ngu mthumo wakwe, etxo njiningo txa Txizimu.

Masalmo 17:14

ni hulukise, Mkoma, ngu diwoko dako ka va vo biha, va fuvise ka ditiko diya. Ka vale va kuthembako va ninge tithomba to tala, ti dinganako kukhurisa vanana vawe ve tshumela ve khurisa ni vatukulu vawe.

Masalmo 73:7

Timbilu tawe ti tate ngu wubihi ti txi thekelela se misungo yawe yi tate ngu mialakanyo yo biha.

1 Vafumeli 3:13

Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

Sidilo 5:2

Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Hoseya 7:9

Vamatiko va mu haxulete ngu mtamo, kambe ene kha ti zivi; ni wunvi u mite txitimwi kwakwe, aniko ene kha ti zivi.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Ekleziyaste 5:16

Eto ni tona wubihi wu wu tisako makhombo: Ti to ati a nga tisa tona, a na tshumelisa toneto; ni ti to se dibhindu muni a ku nado ngu kuthumela moya,

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

2 Makronika 1:11

Sekoko Txizimu txi to kha txona ka Solomoni: A ku mbilu yako yi nga kombela tiya, u nga mbi ti kombelela tithomba, mikhokhola ni nduma, hambi kufa ka vale va ku karatako, mwendo kukombela kuhanya masiku o tala, aniko u ti kombelete wuzivi ni wutxhari, kasiku u na ziva kulamula timhaka ta vathu vangu, ava ni nga kuveka kuva mfumeli txitimwi kwawe,

1 Makronika 29:28

Se a fite a di kumbile ngutu, a di ni masiku amangi, ni tithomba ni wudhumo; kambe mwanakwe Solomoni a to fuma ka wukhalo wakwe.

1 Makronika 29:25

Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.

Valamuli 18:10

Mbimo yile mi no ya hoka, mi na ya mana vathu vo thembeka, kambe ditiko ndo anama ngutu; nguko Txizimu txi di ningete manzani kwanu; mbukhalo wu ku si pwatekiko ni txa tximwetxo, ka sile si kuho ha mafuni.”

Dhewuteronome 28:43

Awule i ku mluveli a zumbako hagari kwanu, a na humelela ngutu txitimwi kwako, se awe u na wa ngutu hahatshi.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Ekleziyaste 5:13

Ku ni wubihi ni nga wu wona hahatshi ka ditambo, wu ndindetelako dikhombo: I ku tithomba tile vanyamne va tona va ti vekelako kusina.

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Ekleziyaste 5:18

Mhaka ya yinene yo tshura yi ni nga yi wona, ngu yiya: Ngudya ni kusela, ni kutitsakela mmwani ni mmwani, ngu dibhindu da wotshe mthumo wakwe, wule a nga wu maha hahatshi ka ditambo, ka otshe masiku a kuhanya kwakwe, aale Txizimu txi nga mninga; nguko atxiya njiavelo txakwe.