Biblia Todo Logo
Bib sou entènèt

- Piblisite -




Ekleziyaste 6:12 - Bhiblia Yo Sawuleka

12 Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?

Gade chapit la Kopi




Ekleziyaste 6:12
28 Referans Kwoze  

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.


Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?


A mila ku nga txiluva, se msana keto e oma; kambe wa tutuma kufana ni mtsudi, se e mwalala.


M'thu a fana ni wukanganyisi; masiku akwe ma fana ni mtsudi wu wu pindako.


Aniko muonhi kha na mbi kateka, ni masiku akwe kha ma na mbi engeteleka; a na fana ni mtsudi, nguko kha thavi masoni ka Txizimu.


Nguko kha zivi ti ti no humelela; i mani a no mmaha e tiziva ti ti mahekisako tona kani?


Nguko athu hi va nyamnova, kha hi zivi txilo; nguko masiku athu txitimwi ka mafu, ma fana ni mtsudi.


Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.


Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.


Hambi lirando lawe ni livengo lawe, ni wukhuxu wawe, se si fuvile; kha ve ngadi ni txyavelo ni txatximweto ka diya ditiko, ka ni txihi txi txi mahwako hahatshi ka ditambo.


Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.


Ni na mwalala nga mtsudi wu wu thavako; va ni gubhuza nga humbi!


Masiku a kuhanya kwangu, ma fana ni mtsudi wu tutumako, se ani ni fana ni mwasi wu wunako.


Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.


Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!


Vanana vakwe va dhundeka, na ene asi ti zivi; mwendo kuminyeteka na asi ti pfi;


Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.


Alakanya, Mkoma, ti to wutomi wangu wu komile! Votshe vathu, u nga va va nga, va pinda ngu kukuluveta.


Athu a hi sawulete thomba yathu, wudhumo wa Jakobe, txirandwa txakwe.


Mkoma, awe u txyavelo txangu, digombe di di ni lumbako; wutomi wangu wu manzani kwako.


Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.


I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani?


Totshe tiya ni ti woni ka masiku a kukanganyiseka kwangu; ku ni m'thu wo lulama a lovako kululamani kwakwe, ni m'thu wo biha a hanyako masiku o tala ka wubihi wakwe.


Hanya ni msikati wu umrandako, otshe masiku a kuhanya ka wukanganyisi wako; aale Txizimu txi nga kuninga hahatshi ka ditambo, otshe masiku a wukanganyisi wako; nguko atxiya ngu txona txyavelo txako kuhanyani kwako, ni ka mthumo wako, awu u nga wu maha hahatshi ka ditambo.


Txiphukuphuku txi andisa mapswi, aniko m'thu kha ti zivi ti ti no humelela; se i mani a no m'zivisa ti ti no humelela msana kwawe kani?


Swiv nou:

Piblisite


Piblisite