Ekleziyaste 6:11 - Bhiblia Yo Sawuleka

¹¹ I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani?

Ekleziyaste 6:11 Referans Kwoze

Ekleziyaste 4:16

Votshe vathu kha va nga ni magwito, votshe vale a va fumako; ni ka kudotho, tiveleko takwe, kha ti na mbi mtsakela. Ngu ditshuri eto ni tona mbukanganyisi, ni kuxanisa moya.

Ekleziyaste 5:7

Nguko nga kule amu ka miloro yayingi ku ku ni wukanganyisi, ngu toneto, ni mu ka mapswi o tala; aniko awe, thava Txizimu.

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Ekleziyaste 3:19

Nguko ati ti mahekako ka vanana va vathu, toneto kambe ta maheka ni ka sihari; kumaheka toneto tatimweto: A ti a fisako tona m'thu, ni txona txihari txi fisa toneto, sotshe si ni m'hefumulo wumwewo; kambe m'thu kha pali txihari ngu txilo, nguko sotshe mbukanganyisi.

Masalmo 73:6

Kutiguleta kwawe ku va randete nga wusekenya mkoloni va thumisa wurena nga bombo.

Ekleziyaste 2:15

Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi.

Ekleziyaste 6:10

Ni txihi txi txi kuho, txi rayilwe ditina ngu kale, kambe ta zivaneka taku i m'thu, ni ti to kha na mbi thuka e kanetisana ni wule a mpindako ngu mtamo.

Ekleziyaste 6:12

Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?