Ekleziyaste 5:8 - Bhiblia Yo Sawuleka

⁸ Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

Ekleziyaste 5:8 Referans Kwoze

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Ekleziyaste 3:16

Ni to wona kambe hahatshi ka ditambo tito: Ha wukhaloni ka wulamuli, ku ni wubihi; ni ka wukhalo wa wululamo, ku ni wubihi ni kona.

Masalmo 82:1

Txizimu txi khalahatshile msengeletanoni ka nzumani; txi lamula hagari ka sizimu txi txi kha txona:

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Luka 1:32

Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mninga txikhalo txa tate wakwe Dhavhidha;

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zakariya 8:6

A womba tiya Mkoma wa Mabutho a Tiyimbi: Ngako eto ti txi tsakisa masoni ka votshe vathu ka masiku oneyo, ina ti na tsakisa kambe masoni kwangu kani? Kuwomba Mkoma wa Mabutho a Tiyimbi.

Mika 2:9

Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka.

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 10:12

Ngu kumaha keto, mbimo yile Mkoma a no heta wotshe mthumo wakwe mmangoni ka Siyoni, kona Jerusalema, sekoko ni na tsayisa mihando ya mfumeli wa Asiriya, ngu mhaka ya kutikulisa ka mbilu yakwe, ni kutiguleta masoni kwakwe.

Isaya 5:7

Nguko m'vhinya wa Mkoma wa Mabutho a Tiyimbi ngu nyumba ya ka Israyeli, ni vathu va ka Judha, mndonga wa kona wo tsakisa; a ti ti verete kuve maha wululamo, ku to maneka kukhinyavezwa; wukhaloni ka wululamo, ku to maneka tihuwa.

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 55:9

Va hangalase, Mkoma, u hambanisa tidimi tawe, nguko ni wona tshofu ni vhilinganya didhoropani.

1 Johani 3:13

Mi nga xamaleni, vanathu, ngako ditiko di txi mi vengela.

1 Pedro 4:12

Vo randeka ngutu, mi nga dhukisweni ngu mndilo wa kudukwa, wu wu nga dhivelwa hagari kwanu, nga ku to humelela txo mbi txi ziva.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Mavingu 22:16

Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Ekleziyaste 5:9

Dibhindu da mafu nda hotshethu; hambi mfumeli wa vhuneka ngu sa mafuni.

Ekleziyaste 7:7

Ngu ditshuri kukhinyavezwa ka bharukisa titxhari, ni kuxavelela ka onha mbilu ya m'thu.

Ekleziyaste 8:9

Totshe eto ni ti woni mbimo yile, ni nga ningetetela mbilu yangu ka yotshe mithumo, yi yi mahwako hahatshi ka ditambo; ku ni mbimo yi m'thu a fumako txitimwi ka mmwani m'thu, kasi ku mxanisa.

Ezekhiyele 18:18

Tate wakwe, nga kule a nga xanisa, a txi pa somaha sa mwanawe, e maha ti i singako ta tinene hagari ka vathu, wona taku a na fa ngu mhaka ya wubihi wakwe.

2 Makronika 26:10

A to aka mikhokhola ya hombe txivulani, a to kela sisima sasingi, nguko a ti ti ni sifuyo so tala mikovani ni tibalani; ni vadimi va tithembwe ta mivhinya, mimangoni ni ka tithembwe to nona, nguko a ti ti dhunda ngutu kudima.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.