Ekleziyaste 5:7 - Bhiblia Yo Sawuleka

⁷ Nguko nga kule amu ka miloro yayingi ku ku ni wukanganyisi, ngu toneto, ni mu ka mapswi o tala; aniko awe, thava Txizimu.

Ekleziyaste 5:7 Referans Kwoze

Matewu 12:36

Ngu toneto, na mi gela ku khani: Totshe timhaka ta walo, ati va wombawombako vathu, va na ya ti xamulela ngu tona ka ditshiku da kuthethisa.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.

Ekleziyaste 5:3

Nguko miloro yita ngu mu ka mithumo yayingi, ni dipswi da txiphukuphuku, di huma ka mapswi o tala ngutu.

Ekleziyaste 3:14

Ani na tiziva to sotshe si Txizimu txi si mahako, si na simama kala kupinduka; kha ku dingani kuengetelwa txilo, hambi kuthaviswa txilo. Se eto Txizimu txi mahela ti to ku va ni txithavo masoni ka txona.

Mavingu 23:17

Mbilu yako yi nga bavele vaonhi; kukhata ninga txithavo ka Mkoma, otshe masiku.

Ekleziyaste 7:18

Ndinene ku u txi ti veketa eto, kambe u nga thavise dianza dako ka tona; nguko awule a thavako Txizimu wa huluka ka totshe eto.

Ekleziyaste 8:13

Aniko muonhi kha na mbi kateka, ni masiku akwe kha ma na mbi engeteleka; a na fana ni mtsudi, nguko kha thavi masoni ka Txizimu.

Ekleziyaste 3:16

Ni to wona kambe hahatshi ka ditambo tito: Ha wukhaloni ka wulamuli, ku ni wubihi; ni ka wukhalo wa wululamo, ku ni wubihi ni kona.

Ekleziyaste 8:9

Totshe eto ni ti woni mbimo yile, ni nga ningetetela mbilu yangu ka yotshe mithumo, yi yi mahwako hahatshi ka ditambo; ku ni mbimo yi m'thu a fumako txitimwi ka mmwani m'thu, kasi ku mxanisa.