Ekleziyaste 5:6 - Bhiblia Yo Sawuleka

⁶ U nga tumele taku txisofu txako txi onhisa mmidi wako, hambi kuwomba masoni ka ngelozi taku i phazamo; ngu kutxani Txizimu txi no henyela dipswi dako, txi khundumusela mithumo ya manza ako kani?

Ekleziyaste 5:6 Referans Kwoze

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

2 Johani 1:8

Ti woneleni kasi ku mi si mwalati mihando ya kutikarata kwanu; aniko mi fanete kumana hakhelo yi yi dinganako.

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Mitengo 15:25

Se mphaxeli a na maha mphaxo wa m'diho wa txionho, kasi kubasisa msengeletano wotshe wa vanana va ka Israyeli, kasi kudivalelwa, nguko kuonha ka kona kumahilwe ngu phazamo, se vona va henile mningelo wawe i ku mphaxo wu hiselwako Mkoma, ni mphaxo wawe masoni ka Mkoma, ngu mhaka ya sionho sawe, asi va nga si maha ngu phazamo yawe.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

1 Vakorinto 11:10

Ngu toneto, wamsikati a na ambale ha msungo kwakwe txikombiso txa kutiveka hahatshi, ngu mhaka ya tingelozi.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Levhi 4:2

Womba ka vanana va ka Israyeli u txi khawe: Ngako m'thu a txi onha ngu kulunduma, e maha ti ti tsimbwako ngu Mlayo wa Mkoma, e maha ti ti si lavekiko kumahwa;

Levhi 4:22

Ngako i di mthangeli wokari a nga onha ngu kulunduma, a txi maha ti ti tsimbwako ngu Mlayo wa Mkoma Txizimu, a ti mahete mnandu ngu toneto;

Mavingu 23:17

Mbilu yako yi nga bavele vaonhi; kukhata ninga txithavo ka Mkoma, otshe masiku.

Ekleziyaste 3:14

Ani na tiziva to sotshe si Txizimu txi si mahako, si na simama kala kupinduka; kha ku dingani kuengetelwa txilo, hambi kuthaviswa txilo. Se eto Txizimu txi mahela ti to ku va ni txithavo masoni ka txona.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.