Ekleziyaste 5:4 - Bhiblia Yo Sawuleka

⁴ Ngako u txi maha txixambanyo txokari ka Txizimu, u nga swele ku txi maha; nguko Txizimu kha txi tsakiswi ngu siphukuphuku; ati u xambanyako, ti mahe.

Ekleziyaste 5:4 Referans Kwoze

Mitengo 30:2

Ngako m'thu a txi thembisa mwendo kuxambanya masoni ka Mkoma, kumaha mwendo kuleka kumaha tifanelo takwe, a nga thuke e hambuka ka dipswi dakwe, a fanete kumaha ati a nga thembisa tona.

Matewu 5:33

“Mi ti engisile kambe ati ti nga wombwa ka vakale va txi kha vona: ‘U nga thuke u tshumelela msana kuxambanyani kwako, aniko veketa ati u nga xambanyela Mkoma.’

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

Masalmo 50:14

Mningelo wako wa ditshuri ka Txizimu ngu ku txi bonga ni kuxayisa sithembiso si u nga si maha ka Nyatxitimwi!

Masalmo 116:14

Ni na landela sixambanyo si ni nga si maha ka Mkoma, masoni ka votshe vathu vakwe.

Vahebheru 10:6

Timhamba to hiswa ni timhamba to mbi hiswa, ta kudihela sionho, kha ta kutsakisa.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Jona 2:9

Aniko ani ni na kuninga miphaxo ngu dipswi do bonga, a ti ni nga xambanya ni na ti maha; kuhanyiswa kuta ngu ka Mkoma!

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

Genesisi 35:1

Txizimu txi to womba ka Jakobe txi txi kha txona: “Khukha! Tsula Bheteli u txi ya aka kona. Koneyo u na ya aka txiluvelo txa Txizimu, atxi txi nga ti wonekisa kwako, mbimo yile u nga txi thava masoni ka mkomwako Esawu.”

Isaya 19:21

Kambe Mkoma a na ti kombekisa ka Egipta, se Vaegipta va na ziva Mkoma, ka ditshiku dile; ina, vona va na mkhozela ngu miphaxo ni miningelo, ve maha sixambanyo ka Mkoma, ni ku si vekisa.

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Valamuli 11:35

A hale Jefta a nga mu wona, a to vharula syambalo sakwe na a txi dila, a txi khene: “Yowe! Mwanangu! U ni thete wusiwana kuhanyani kwangu ko pandiseka! Awe u hagari ka vale va ni xanisako. Nguko ni mahile txi thembiso ka Mkoma, kha ni sikotiko kutshumelela msana!”

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Mavingu 20:25

Mlawu ku kuluvetela kuwomba u txi khawe: Ti sawulekile; ni kutshumela u kana-kana msana ka kuxambanya.