Ekleziyaste 5:2 - Bhiblia Yo Sawuleka

² U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

Ekleziyaste 5:2 Referans Kwoze

Matewu 6:7

“Ngako mi txi khongela, mi nga tateni mapswi nga vamatiko, nguko va alakanya ti to va na engiswa ngu kuwombawomba ngutu.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Ekleziyaste 5:7

Nguko nga kule amu ka miloro yayingi ku ku ni wukanganyisi, ngu toneto, ni mu ka mapswi o tala; aniko awe, thava Txizimu.

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Ekleziyaste 5:3

Nguko miloro yita ngu mu ka mithumo yayingi, ni dipswi da txiphukuphuku, di huma ka mapswi o tala ngutu.

Mavingu 20:25

Mlawu ku kuluvetela kuwomba u txi khawe: Ti sawulekile; ni kutshumela u kana-kana msana ka kuxambanya.

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Masalmo 115:3

Aniko Txizimu txathu txi nzumani; txa maha totshe ti txi ti lavako.

Genesisi 18:32

Abrahamu a to khene kambe: “Mkoma wangu a nga henye, ngako ni txi womba kambe ngu txikhati txo gwitisa. Idiku ko maneka digumi ko?” Mkoma a xamute a txi khene: “Kha ni na mbi lovisa didhoropa, ngu mhaka ya vona vale va digumi.”

Genesisi 18:30

Abrahamu a ti khene: “Mkoma wangu a nga henye, ngako ni txi tshumela ni womba-womba: Se ku txi maneka magumi mararu ko?” Mkoma a to xamula a txi khene: “Kha ni na mbi ti maha eto, ngako ni txi mana magumi mararu a vathu vo lulama.”

Valamuli 11:30

Se Jefta a to maha txixambanyo ka Mkoma, a txi khene: Ngako u txi ningela va ka Amoni manzani kwangu,

Marku 6:23

A to xambanya a txi khene: “Atxi u no kombela txona, ni na kuninga, hambi i di ku kubhandela mfumo wangu ngu hagari.”

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Levhi 5:4

ni kungako m'thu, na asi ti zivi ka txonetxo txikhati, a txi xambanya ti to a na maha ta tinene mwendo to biha ka mmwani m'thu, se ngu msana e tiziva ti a nga maha, neneyo m'thu ka mhaka yoneyo ana ni mnandu.

Ekleziyaste 10:12

Mapswi a txisofu txa txhari ma tsakisa, aniko txisofu txa txiphukuphuku txa txi haxula.

Ekleziyaste 10:13

Makhato a timhaka ta txisofu txa txona mbuphukuphku, ni magwito a kuwombawomba ka txona wupumbu wa hombe.