Ekleziyaste 5:1 - Bhiblia Yo Sawuleka

¹ Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.

Ekleziyaste 5:1 Referans Kwoze

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Joxuwa 5:15

Sekoko mthangeli wa dibutho da Mkoma, a to khene ka Joxuwa: “Thavisa tikathula mikondoni kwako, nguko wukhalo wu u ku ka wona, mbwo sawuleka.” Se Joxuwa a to maha toneto.

Eksodha 3:5

Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

Vahebheru 10:26

Nguko, ngako hi txi onha khakwenye, na hi txi di ziva ditshuri ta tinene, kha ku nga ngadi ni mhamba yimwani yo thavisa sionho.

1 Vakorinto 11:22

Ina kha mi nga ni tinyumba to dyela ka tona ni kuselela kona, kani? Mwendo mo eyisa Dibanza da Txizimu, mi txi lava kuthela tingana avale va ku si nga naso, kani? Ni na mi gela ta txani? Ina ni na mi dhumisa, kani? Lambi! Keto kha ni na ku mi dhumisa!

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

Eksodha 30:18

“U na maha mkamba wa koporo, makhatoni ka wona ku nava ka koporo kambe, wo sambela ka wona. U na wu veka ngu hagari ka ditenda da msengeletano ni txiluvelo, u txi wu tata ngu mati.

Jobe 11:2

Ina kutala ka siwotiso kha si na mbi xamulwa kani? Wamwamna wule wo wombawombela a na va ni ditshuri kani?

Jobe 22:12

Ina Txizimu kha txi nga txitimwi nzumani kani? Wona tinyeleti tile ti ku txitimwi; eto ti nga gulekisa tona.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.