Ekleziyaste 4:8 - Bhiblia Yo Sawuleka

⁸ Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Ekleziyaste 4:8 Referans Kwoze

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

Mavingu 27:20

Mndiloni ni kutimelani kha si dhuki si khura, hambi ni maso a m'thu kha ma dhuki me kolwa.

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Ekleziyaste 1:8

Sotshe siya sa karalisa ngutu, aha ko khangaho wo a nga sikota kutxhamusela; maso kha ma kolwi ngu kuwona, hambi tinzeve kha ti kolwi ngu kuengisa.

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Isaya 5:8

Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Ekleziyaste 5:10

Awule a dhundako male kha na mbi dhuka e kolwa ngu male; ni wule a randako thomba yayingi kha na mbi dhuka e kolwa ngu dibhindu da kona; eto nitona mbukanganyisi.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Genesisi 2:18

Se Mkoma Txizimu, a wombile, a txi khene: “Hi nga tinene ti to m'thu e zumba ekha; ni na mmahela m'vhuni wo fana ni nene.”

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Ekleziyaste 2:23

Nguko otshe masiku akwe nga kupandiseka, ni kutikarata kwakwe i xomulo; hambi ni wusiku mbilu yakwe kha yi humuli; eto ni tona mbukanganyisi.

Ekleziyaste 2:21

Nguko ku ni m'thu wu a mahako mthumo wakwe ngu wutxhari, ni wuzivi, ni ku ti ningela; hambi keto, a na wu siya wu maha thomba ya m'thu wule a nga mbi ti karata ngu txilo ka wona; eto ni tona mbukanganyisi, kambe ngu xaniseka ka hombe.

Ekleziyaste 4:7

Ni to tshembereka kambe ni wona wukanganyisi hahatshi ka ditambo.

Masalmo 39:7

Ti di ngeto, Mkoma, ni na themba mani? Ani, themba yangu ngu ngawe!

Ekleziyaste 5:9

Dibhindu da mafu nda hotshethu; hambi mfumeli wa vhuneka ngu sa mafuni.