Ekleziyaste 4:13 - Bhiblia Yo Sawuleka

¹³ I txhuko dijaha di i ku txisiwana di di txharihile, kupinda mfumeli wo kumba wa txiphukuphuku, awule asi tumeliko kukawukwa.

Ekleziyaste 4:13 Referans Kwoze

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Mavingu 28:6

I txhuko txisiwana txile txi tsimbilako ditshurini, kupinda nyatithombe wa tinzila to biha.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

Genesisi 37:2

Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Ekleziyaste 4:12

Se ngako wokari a txi lava kulwa ni mmweyo wawe, va na mlwisa ngu wumbidi wawe; kambe dijoke do petwa kuraru, kha di kuluveti kubhenuka.

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.