Ekleziyaste 4:12 - Bhiblia Yo Sawuleka

¹² Se ngako wokari a txi lava kulwa ni mmweyo wawe, va na mlwisa ngu wumbidi wawe; kambe dijoke do petwa kuraru, kha di kuluveti kubhenuka.

Ekleziyaste 4:12 Referans Kwoze

Vaefesu 4:3

mi ti karata ngu kuveketa mpatano wa Moya, ngu kupfana ko dikha.

2 Samuwele 23:9

Msana kwakwe ku ti ni Eleyazari, mwana Dhodho, wa mwana Ayoyi, mmweyo wa tindena tiraru tile ti nga ti ni Dhavhidha, mbimo yile va nga vhuka Vafilista vale va nga ti sengeletani kulwani, ni mbimo yile vavamna va nga huma ngu Israyeli,

2 Samuwele 23:23

Hagari ka magumi mararu a tindena, ene i ti wa nduma ngutu, kambe kha hoka ka vale va vararu vo khata; se Dhavhidha a to m'veka kuva mthangeli wa vawoneleli vakwe.

2 Samuwele 23:16

Sekoko tindena tile ta tiraru ti to pinda ngu wugoveloni ka Vafilista, tiya reka mati ka txisima txa Bhetlehema txi ku hafuhi ni txike, ti ma tisa ka Dhavhidha; aniko ene kha ma lava kusela, kambe a to ma theketa masoni ka Mkoma.

Ekleziyaste 4:11

Ngako va txi otela i di vambidi va futumetana; aniko wammweyo dwe, a na futumelisa kutxani kani?

Ekleziyaste 4:13

I txhuko dijaha di i ku txisiwana di di txharihile, kupinda mfumeli wo kumba wa txiphukuphuku, awule asi tumeliko kukawukwa.