Ekleziyaste 3:8 - Bhiblia Yo Sawuleka

⁸ mbimo ya kuranda, ni mbimo ya kuvenga; mbimo ya yimbi, ni mbimo ya kudikha.

Ekleziyaste 3:8 Referans Kwoze

Vaefesu 5:25

Nananu vavamna, randani vasikati vanu, kota nga ti Kristu a nga randisa tona Dibanza, a txi ti ningela ngu mhaka ya dona,

Luka 14:26

“Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

1 Vafumeli 5:4

Ngu konaho koko, Mkoma, Txizimu txangu, a ni ningile kuhumula ngu ka otshe madhawa; kha ku nga ni mlala, kambe kha ni mani txikarato ni txa tximwetxo.

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

Masalmo 139:21

Mkoma, ina kha ni va vengi avale va ku vengako kani? Kha ni va nyenyi avale va ku wukelako kani?

2 Makronika 19:2

Se Jewu mwana Hanani, m'huti, a to mu hingeta a txi khene ka mfumeli Josafati: Ngu kutxani u vhuna vabihi, u randa ava va nyenyako Mkoma kani? Ngu mhaka yeto, kuhenya ka Mkoma ku nata txitimwi kwako.

Titosi 2:4

aniko va na sikote kuninga mapswi a wusungukati, ti to vavasikati vo ngadi kutekwa ve gonda ngu vona ati va fanelako kurandisa tona vamna vawe ni vanana vawe,

Vaefesu 3:19

Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Masalmo 101:3

ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

Mavingu 13:5

M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.

2 Vafumeli 9:22

Se mbimo yile Joramu a nga wona Jehu, a to khene: Ina ku ni kuthutha kani Jehu kani? Se ene a nje khene: Ngu thutha muni na kuve wugelegele wa mwamwako Jezabheli ni maloyi akwe nzingi kani?

Masalmo 105:25

Txi mahile ti to Vaegipta ve venga vathu va txona ve fumela ngu tshofu vathumi va txona.