Ekleziyaste 3:7 - Bhiblia Yo Sawuleka

⁷ mbimo ya kuvharula, ni mbimo ya kurunga; mbimo ya kumalala, ni mbimo ya kuwombawomba;

Ekleziyaste 3:7 Referans Kwoze

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.

Amosi 5:13

Ngu toneto, awu a ku ni mapimo a na malala, ka yona mbimo yile, nguko mbimo yi na va yi di bihile.

Mithumo 4:20

Athu kha hi na kusikota kumalala ni ti hi nga ti wona, ni ti hi nga tiengisa.”

Sidilo 3:28

M'thu wu Txizimu txi nga mrweka sixaniso, a na ti ñole ekha a txi tsanisela;

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Esteri 7:4

Nguko hi xavisilwe, ani ni va ka kwathu, kasi kuve hi lovisa, ve hi dayela ni ku hi maha hi luzekelwa; I ti ku va to hi xavisa kasi ku hive tikhumbi ta txiwamna ni ta txisikati, ni di na malala, hambi ku mxanisi a no tandeka kutshumetela kuluzekelwa ka mfumeli.

Amosi 8:3

Kambe ditshiku diya wu embeleli wa mathepele u na engiswa, kuwomba Mkoma Txizimu. Sirumbi si na tala ngutu, si na tshotshwa va di malate ka otshe makhalo.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Isaya 36:21

Aniko vona va to malala, kha va mxamula dipswi ni da dimwedo, nguko ku ti ti ni txileleto txa mfumeli, txo khene: Mi nga mxamuleni.

Masalmo 39:2

Ni malate ni si wombi txilo, kha na womba dipswi ni da dimwedo. Aniko kupandiseka kwangu ku to engeteleka;

2 Vafumeli 6:30

Se mbimo yile mfumeli a nga pfa mapswi awu wamsikati, a to vharula syambalo sakwe, e londisela diguma, se vathu va ti woni ku a ti ti ni syambalo so dhimba ngu mndani, ha nyamani kwakwe.

2 Vafumeli 5:7

Se mbimo yile a nga gonda dipapilo mfumeli wa ka Israyeli, a to vharula syambalo sakwe, a txi khene: Ina no va Txizimu ani, txo daya ni kuhanyisa, kuza e ni rumela wamwamna wuwa, kuva ni m'hanyisa ka xokonho kani? Sekoko ti woneni, na mi kombela, a lava wurindi wa ku ni lwisa.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

2 Samuwele 3:31

A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi.

2 Samuwele 1:11

Sekoko Dhavhidha a to ñola syambalo sakwe e vharula, kumweko ni votshe vavamna vale a nga ti ti navo.

Genesisi 44:34

“Ni nga sikotisa kutxani ani kutshumela ni tsula m'tini ka tate, ni si nga nayo mfana wuwa, kani? Kha ni lavi kuya wona dikhombo di, di no ya wela txitimwi ka tate wathu.”

Genesisi 44:18

Sekoko, Judha a to tshuketa hafuhi ka Josefa, a txi khene: “O! Nyamne wangu, na ku kombela, ni tumelele ani txithumi txako, ni womba dipswi dimwedo tinzeveni kwako nyamne wangu, ti to txiviti txako txi si humeleli txitimwi ka txithumi txako, nguko awe u fana ni Faro, ene apune!”

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Jobe 2:13

Se va to khalahatsha nayo ha ka mafu, mtxhanu wa masiku ni mambidi ni mtxhanu wa wusiku ni wumbidi; ku si maneki ni wammweyo wo womba dipswi ni da dimwedo, nguko va woni taku kupandiseka i ti ti ka hombe ngutu.

Ekleziyaste 3:6

mbimo ya kulava, ni mbimo ya ku mwalalelwa; mbimo ya kuveka, ni mbimo ya kutshotsha;

1 Samuwele 10:16

Se Sawule a to khene ka tatanyani wakwe: A to hi gela ditshuri do timbongola ti manekile. Kambe timhaka ta wukoma tile Samuwele a nga ti womba, kha m'gela.

2 Vafumeli 18:36

Ngu kumaha keto, vathu va to mala kha va xamula hambi dipswi ni da dimwedo; nguko dipswi da mfumeli di ti ti kha dona: Mi nga mxamuleni.