Ekleziyaste 3:4 - Bhiblia Yo Sawuleka

⁴ mbimo ya kudila, ni mbimo ya kuseka; mbimo ya xomulo, ni mbimo ya kusinya;

Ekleziyaste 3:4 Referans Kwoze

Varoma 12:15

Tsakani ni va va tsakako, mi txi dila ni va va dilako

Jakobe 4:9

Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.

Masalmo 30:5

Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

2 Vakorinto 7:10

Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.

Luka 1:58

Vaakelani vakwe ni maxaka, ngako va di ti zivile ti to Mkoma a kombisile wumbilu wakwe kwakwe, va to tsaka nayo.

Matewu 11:17

‘Hi mi vetete misengele, aniko kha ma sinya; hi embelete tindando ta masaluko, aniko kha ma dila.’ ”

Matewu 9:15

Jesu a ti khene kwawe: “Tipheleketi ta wu a tekako, ina ti nga sikota kudila, na awu e tekako a di ngadi nato kani? Kambe ku nata masiku, aawa va na ku ta tekelwa mteki, se ngu kona va nota ti tona sakudya.

2 Samuwele 6:16

Se ku to maheka taku, va txi wuleta dibhokiso da Mkoma Didhoropani ka Dhavhidha, Mikali, mwanana wa dihorana wa Sawule, a to solela ngu ha ka difasitela, se e wona mfumeli Dhavhidha a txi ndaka-ndaka e sinya masoni ka Mkoma, a to mbwambwa ngu mbiluni kwakwe.

Genesisi 21:6

Se Sara a to womba, a txi khene: “Txizimu txi ni ningile kuseka, se votshe va va no yi engisa mhaka yiya, va na seka ni nani.”

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

Ekleziyaste 3:5

mbimo ya kuhangalisela marigwi, ni mbimo ya kusengeletela marigwi; mbimo ya kusingarela, ni mbimo yo leka kusingarela;

Ekleziyaste 7:14

Tsaka ngu ditshiku da makatekwa, aniko alakanya ditshiku da xomulo; nguko masiku awa, ngu wumbidi wa ona, ma mahilwe ngu Txizimu, kasi ku m'thu asi zivi ti ti no humelela msana kwakwe.

Isaya 40:1

Thavelelani, thavelelani vathu vangu, kuwomba Txizimu txanu.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.