Ekleziyaste 3:3 - Bhiblia Yo Sawuleka

³ mbimo ya kudaya, ni mbimo ya kuhanyisa; mbimo ya kuhaxula, ni mbimo ya kuaka;

Ekleziyaste 3:3 Referans Kwoze

1 Samuwele 2:6

Mkoma ngene a thavisako wutomi, kambe ngene a ningako; wa relelisa m'thu dithithani, se e tshumela e m'humisa ka dona.

Jeremiya 45:4

U na m'gela tiya: Mkoma a khene: Asi ani ni nga si aka na si khundumusa, asi ni nga phaya ni na si dula, ni na maha eto kotshe ha mafuni.

Jeremiya 31:28

Ku na maheka ati to, nga kule ni nga va emela kasi kudula ni kugangela, ni kuvhinganyisa, ni kukhundumusa, ni kuxanisa, ngu toneto ni na va wonelela, kasi kuaka ni kuphaya, kuwomba Mkoma.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Isaya 44:26

ngani ni tsanisako dipswi da txithumi txakwe, kambe na tatisa makungo a sirumwa sakwe, ni wombako ka Jerusalema, ni txi khani: Ku na akwa kwako, se ka madhoropa a ka Judha ni khani: Mi na aketwa, ni ti to ani ni na wusa marumbi anu;

1 Samuwele 2:25

Ngako m'thu a txi onhela mmwani m'thu, valamuli va na mlamula; aniko ngako m'thu a txi onhela Mkoma, i mani a no mkombelela kani? Hambi keto, kha va engisa dipswi da tate wawe, nguko Mkoma a ti ti lava ku vadaya.

Ezekhiyele 13:14

Se ni na wisa diseta di mi ngadi kopola ngu txitsowo, kambe ni na di khundumusa ni di wisa hahatshi, ni sitsaniso sa dona si na sala hahanze; di na wisa tona tiya, kambe anu mi na mwalala hagari ka dona, mi na tiziva taku ani ngani Mkoma.

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Zakariya 1:12

Sekoko, Ngelozi ya Mkoma yi to xamula yi txi kha yona: Awe Mkoma wa Mabutho a Tiyimbi, khu na mbi pfela wumbilu Jerusalema ni madhoropa a ka Judha, kala ka yihi mbimo, awa u nga ma henyela ka malembe awa a mtxhanu wa magumi ni magumi mambidi kani?

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Hagayi 1:2

A wombisa tiya Mkoma wa Mabutho a Tiyimbi, a khene: Vathu vava va kha vona: Kha yi se hoka mbimo, mbimo yi Nyumba ya Mkoma yi dinganako kuakwa ngu yona.

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?