Ekleziyaste 3:22 - Bhiblia Yo Sawuleka

²² Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?

Ekleziyaste 3:22 Referans Kwoze

Ekleziyaste 2:24

Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.

Ekleziyaste 10:14

Txiphukuphuku txi andisa mapswi, aniko m'thu kha ti zivi ti ti no humelela; se i mani a no m'zivisa ti ti no humelela msana kwawe kani?

Ekleziyaste 8:7

Nguko kha zivi ti ti no humelela; i mani a no mmaha e tiziva ti ti mahekisako tona kani?

Ekleziyaste 6:12

Nguko i mani a zivako ti i ku ta tinene kuhanyani ka m'thu, ka otshe masiku a wukanganyisi wakwe, ale ma pindako kufana ni mtsundi kani? Nguko i mani a nga zivisako ka m'thu, tile ti no humelela hahatshi ka ditambo msana kwakwe kani?

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Matewu 6:34

Ngu toneto, mi nga karatekeni ngu sa ditshiku da mangwana, nguko ditshiku da mangwana di na ni sikarato sa dona. Ditshiku ni ditshiku di dinganelwa ngu sikarato sa dona.”

Dhaniyeli 12:13

Awe koko, Dhaniyeli, tsanisela kala magwito; nguko u na humula kambe u na zumba ka dikato dako, ngu magwito ka masiku.

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.

Jobe 14:21

Vanana vakwe va dhundeka, na ene asi ti zivi; mwendo kuminyeteka na asi ti pfi;

Dhewuteronome 28:47

nguko khwa thumela Mkoma, Txizimu txako, ngu kutsaka ni kubasa ka mbilu, ngu mhaka ya kutalelwa ngu silo sotshe.

Dhewuteronome 12:18

Awe u na si dyela masoni ka Mkoma, Txizimu txako, ka wukhalo wu Mkoma, Txizimu txako, a no wu sawula, awe ni mwanana wako wa dijaha ni wa dihorana, khumbi yako ya wamwamna ni ya wamsikati, ni Mulevhi wu a zumbako kumweko ni nawe. Kambe u na tsaka masoni ka Mkoma, Txizimu txako, ngu yotshe mithumo ya manza ako.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Ekleziyaste 2:18

Kambe ani ni to nyenya wotshe mthumo wangu, wule ni nga wu maha hahatshi ka ditambo, ngako ni nga txi dingana ku wu siyela m'thu wule a ndi nota msana kwangu.

Ekleziyaste 7:14

Tsaka ngu ditshiku da makatekwa, aniko alakanya ditshiku da xomulo; nguko masiku awa, ngu wumbidi wa ona, ma mahilwe ngu Txizimu, kasi ku m'thu asi zivi ti ti no humelela msana kwakwe.

Ekleziyaste 9:6

Hambi lirando lawe ni livengo lawe, ni wukhuxu wawe, se si fuvile; kha ve ngadi ni txyavelo ni txatximweto ka diya ditiko, ka ni txihi txi txi mahwako hahatshi ka ditambo.