Ekleziyaste 3:13 - Bhiblia Yo Sawuleka

¹³ ni kungako m'thu a txi dya, e sela, e tsaka, ngu mthumo wakwe wotshe. Etxo njiningo txota ngu ka Txizimu.

Ekleziyaste 3:13 Referans Kwoze

Ekleziyaste 9:7

Tsula koko, u yadya sakudya sako ngu kutsaka, u sela vhinya yako ngu mbilu ya yinene, nguko Txizimu se txa tsaka ngu mithumo yako.

Ekleziyaste 2:24

Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.

Masalmo 128:2

U na dya mihando ya manza ako, u na kateka, se totshe tako ti na tsimbila kwati.

Ekleziyaste 6:2

M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Dhewuteronome 26:11

Se u na tsaka, u tsakela totshe tinene tile Mkoma, Txizimu txako, a nga ku mahela awe ni yotshe nyumba yako, kumweko ni Mlevhi ni mluveli wule a zumbako hagari kwanu.

Masalmo 34:12

Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

Ekleziyaste 2:3

Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.