Ekleziyaste 3:12 - Bhiblia Yo Sawuleka

¹² Se na tiziva ti to txi walo txa txhuko kwawe, kupinda kutitsakela ni ku ti mahela ta tinene kuhanyani kwawe;

Ekleziyaste 3:12 Referans Kwoze

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Ekleziyaste 3:22

Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?

1 Timoti 6:18

Va na mahe wunene, va nave vanyatithombe ngu mithumo, va nave ni wuha, ve ziva kuabana ni vamwani.

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Dhewuteronome 12:7

Se mi na ya dya masoni ka Mkoma, Txizimu txanu, mi na ya tsaka ngu wotshe mthumo wa manza anu, anu ni yotshe mimwaya yanu, mi tsakela asi Mkoma, Txizimu txanu, a no va a di mi katekisile ngu sona.

Dhewuteronome 12:18

Awe u na si dyela masoni ka Mkoma, Txizimu txako, ka wukhalo wu Mkoma, Txizimu txako, a no wu sawula, awe ni mwanana wako wa dijaha ni wa dihorana, khumbi yako ya wamwamna ni ya wamsikati, ni Mulevhi wu a zumbako kumweko ni nawe. Kambe u na tsaka masoni ka Mkoma, Txizimu txako, ngu yotshe mithumo ya manza ako.

Dhewuteronome 26:11

Se u na tsaka, u tsakela totshe tinene tile Mkoma, Txizimu txako, a nga ku mahela awe ni yotshe nyumba yako, kumweko ni Mlevhi ni mluveli wule a zumbako hagari kwanu.

Ekleziyaste 2:3

Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.

Ekleziyaste 2:24

Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.