Ekleziyaste 3:11 - Bhiblia Yo Sawuleka

¹¹ Txi mahile sotshe si di tshurile ngutu, ngu mbimo ya sona; kambe txi vekile timbiluni kwawe kualakanya ka yotshe mbimo; hambi keto, kha ku na m'thu wule a zivako mthumo wu Txizimu txi nga wu maha, kukhukhela makhatoni, kala magwito.

Ekleziyaste 3:11 Referans Kwoze

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Jobe 11:7

Ina u na manela tinzila ta Txizimu, uza u hokela kuhetelelani ka wa Mtamo-wotshe kani?

Ekleziyaste 8:17

sekoko ni to wona wotshe mthumo wa Txizimu, ti to m'thu kha sikoti kuziva mthumo wu wu mahwako hahatshi ka ditambo; hambi m'thu a txo thumela ku wu mana, kha na mbi wu mana; hambi ku ngako txhari yi txo kha yona yi nga wu ziva, hambi keto, kha yi na ku wu manela.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Marku 7:37

Se va to xamala ngutu, va txi kha vona: “A mahile totshe ngu mamahelo amanene. A mahile ti to maphanzeve me sikota kuengisa; siduma si sikota kuwombawomba.”

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Ekleziyaste 7:29

Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Matewu 13:22

Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.

Mavingu 16:4

Sotshe si a nga si maha Mkoma asi emisete mithumo ya sona, hambi ni muonhi a mahetwe ditshiku do biha.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Ekleziyaste 7:13

Wonisisa mthumo wa Txizimu; nguko i mani a nga lulametako asi txi nga si maha si di gombonyekile kani?

Ekleziyaste 7:23

Totshe eto ni wotisete ngu wutxhari, ni txi khani: Ni na mana Wutxhari; aniko wutxhari wu ngadi kule ni nani.

Ekleziyaste 11:5

Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha.