Ekleziyaste 2:8 - Bhiblia Yo Sawuleka

⁸ Ni to ti sengeletela silivhela, ni nzalama, ni tithomba ta vafumeli ni ta matiko a hombe; ni ti lavete vaembeleli va txiwamna ni va txisikati, ni ku ti tsakisa ngu vanana va vathu, ni siya so embelela ngu sona sa totshe tixaka.

Ekleziyaste 2:8 Referans Kwoze

1 Vafumeli 10:10

Se a to ninga mfumeli 120 wa titalenta ta nzalama, ni tixakaxaka tatingi ta makha, ni marigwi a lisima; kha kuzivi kuta makha amangi ngutu ku nga tiya mfumeli wa txisikati wa Sabha a nga ningisa tona ka mfumeli Solomoni.

1 Vafumeli 9:28

Se va to hoka Ofiri, se va to ya teka koneyo 420 wa titalenta ta nzalama, ve ti tisa ka mfumeli Solomoni.

2 Samuwele 19:35

Nyamsi ni ni mtxhanu wa magumi ni magumi mararu a malembe, ina ni nga sikota kuhambanisa to biha ni ta tinene kani? Ina txithumi txako txi nga sikota kupfa kutshamba ka sile txi dyako ni kusela kani? Ina ani ni nga engisa mapswi a vaembeleli va vavamna ni vavasikati kani? Se txithumi txako txi nga rwekela txani kambe kunemela mfumeli, nyamne wangu, kani?

1 Vafumeli 10:14

Se kunemela ka nzalama yile yi nga ti nehwa ka Solomoni dilembe ni dilembe i ti 666 wa titalenta ta nzalama,

Amosi 6:5

mi embelela ngu mpfumawulo wa harpa, mi ti mahela sitxaya txaya sanu so embelela ku nga Dhavhidha:

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Dhaniyeli 3:7

Ngu kumaha keto, ngako otshe matiko, ni mifumo, ni vathu va totshe tidimi va di pfite mpfumawulo wa mipundu, ni wa sitende, ni wa makhombela, ni wa tingoma, ni wa totshe tixaka ta sivetaveta va to khizama ve khozela txithombe txa nzalama txile mfumeli Nebhukodhonosori a nga ti txi emisile.

Dhaniyeli 3:5

Ngako mi txipfa diguwa da mpundu, ni da msengele, ni da dikhombela, ni da ngoma, ni da fineti, ni da tshodi, ni da totshe tixaka ta sivetaveta, mi na khizama mi khozela txithombe txa nzalama, txile mfumeli Nebhukodhonosori a nga txi emisa.

Ezra 2:65

se sithumi sakwe sa vavamna ni sa vavasikati i ti ti 7.337; kambe ku ti ti ni 200 wa vaembeleli, vavamna ni vavasikati.

2 Makronika 9:11

Se mapulango eyo ya almuge mfumeli a to hamba ngu ona sikadha sa Nyumbani ka Mkoma ni sa nyumbani ka mfumeli, kumweko ni tiharipa ni misengele ya vaembeleli; kha kuzivi kuta mapulango o ngeto ditikoni da Judha.

1 Makronika 25:6

Votshe vava, va ti ti didhawa ka tate, kasi kuva txi embelela, Nyumbani ka Mkoma, ngu tingoma, ni timbila, ni tiharipa, ka mthumo wa kukhozela Nyumbani ka Txizimu; se Asafe ni Jedhutumi, ni Hemani va ti didhawa ka mfumeli.

1 Makronika 25:1

Se Dhavhidha kumweko ni vathangeli va dibutho da tiyimbi, va to sawula vanana va Asafe ka mthumo wa wukhozeli, ni vanana va Hemani, ni va Jedhutumi, kasi kuva txi embelela ngu tiharipa, ni timbila, ni tingoma; awuwa mtengo wa vathu vale va nga vekwa ka mthumo wa wukhozeli:

1 Vafumeli 14:27

Ka wukhalo wa sona, mfumeli Robhowamu a to maha sitxhavangu sa koporo, e si ningela manzani ka vathangeli va yimbi, va nga txi wonelela txike txa nyumba ya mfumeli.

1 Vafumeli 10:21

Kambe otshe magombe ale a nga ti sela ngu ona mfumeli Solomoni, i ti a nzalama, ni sotshe siya sa nyumba ya txitinga txa Libhanoni, i ti sa nzalama ya yinene; ka yona ku si nga ni silivhela, nguko ka masiku a Solomomi, yi si nga ni kudhundeka ni kakumweko.

1 Vafumeli 9:14

Se Hiramu a to rumela 120 wa titalenta ta nzalama ka mfumeli.

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

Ekleziyaste 1:2

Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi.