Ekleziyaste 2:23 - Bhiblia Yo Sawuleka

²³ Nguko otshe masiku akwe nga kupandiseka, ni kutikarata kwakwe i xomulo; hambi ni wusiku mbilu yakwe kha yi humuli; eto ni tona mbukanganyisi.

Ekleziyaste 2:23 Referans Kwoze

Jobe 14:1

M'thu wo velekwa ngu wamsikati masiku akwe madotho, kambe ma tate ngu sikarto.

Jobe 5:7

Aniko m'thu a veleketwe kuxaniseka, ku nga titshatsha ta mndilo ti khukhako ti puruma.

Masalmo 127:2

Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Dhaniyeli 6:18

Sekoko mfumeli a to khukha eya nyumbani kwakwe ka wukoma, e ti tona wusiku wotshe, kambe kha tumela taku ve mu tisela sivetaveta sa wuembeleli; ni wukohe wu to hangalaka.

Ekleziyaste 5:12

Wukohe wa mthumi wa tshamba, hambi a di dyite sa sidotho mwendo sasingi; aniko kukhura ka nyatithombe ka mpwatisa wukohe.

Ekleziyaste 1:18

Nguko amu ka wutxhari wawungi ku ni kukarala ngutu; se awule a andisako wuzivi a andisa mthumo.

Masalmo 90:15

Hihe masiku a kutsaka madingano ni masiku awa u nga hi wonisa sixaniso ni malembe awa u nga hi wonisa makhombo.

Masalmo 32:4

Nguko wusiku ni mitshikari dianza dako di ti ti ni nemela; Ni hisilwe ngu lisani nga tximilwa txa malanga.

Esteri 6:1

Ka wona wusiku wule wawumwewo, mfumeli a to gumelwa ngu wukohe; sekoko, e rumisa kuve mnehela dibhuku da matimu, di ta gondwa masoni ka mfumeli.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Genesisi 3:17

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Ekleziyaste 2:11

Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.

Ekleziyaste 5:17

ni ti to eva a di dyite ka otshe masiku akwe txidemani, a di ni xomulo ya hombe, ni makhombo, ni txiviti txa hombe kani?

Ekleziyaste 8:16

Ni txi maha ti to mbilu yangu yi thuma ngu wutxhari, ni kuwona mthumo wu wu ku txitimwi ka mafu (m'thu koko kha mani wukohe, ni wusiku, mwendo ni mitshikari),