Ekleziyaste 2:16 - Bhiblia Yo Sawuleka

¹⁶ Nguko kha ku na mbiswa kambe ku va ni txyalakanyiso txa txhari kupinda txa txiphukuphuku; ka timbimo ti titako, votshe va na divalwa do gwita. Ati txhari yi fisako tona, ni txona txiphukuphuku txi fisa toneto.

Ekleziyaste 2:16 Referans Kwoze

Ekleziyaste 1:11

Kha ku na txialakanyiso txa timhaka tile ti nga pinda; hambi txa sile si no vaho, ni sona kha si na mbi va ni txialakanyiso, ka vale va nota ngu msana.

Ekleziyaste 9:5

Nguko avale va hanyako va tiziva ti to va nafa, aniko vofa kha va zivi txilo ni txa tximwetxo, hambi kuva ni txhatxhazelo ni ka kudotho, kambe mapimo awe ma kudivalani.

Masalmo 88:12

Ina va nga ziva sidiwukiso sako va di mfumoni ka txidema, ni kululama kwako ditikoni ka vale va nga divalwa?

Eksodha 1:8

Msana keto, ku to humelela mfumeli wamphya ditikoni ka Egipta, awu a nga ti sa m'ziva Josefa.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Malakiya 3:16

Sekoko avale va thavako Mkoma, mmwani ni mmwani wa womba-womba ni mkwawe; se Mkoma wa riya nzeve a txi engisela; mwendo kubhatwe dibhuku da syalakanyiso masoni kwakwe, di lumbako vale va thavako Mkoma, ni vale va alakanyako ditina dakwe.

Ekleziyaste 6:8

Nguko, nji txani yi ku natxo txhari kupinda txiphukuphuku kani? Niku txi vhuneka ngu txani txisiwana txile txi zivako matsimbilelo masoni ka vale va hanyako kani?

Ekleziyaste 2:14

Maso a txhari ma ha msungo ka yona, aniko txiphukuphuku txi tsimbila txidemani; kambe ni to ti pfisisa taku votshe va humelelwa ngu mhaka yimweyo.

Masalmo 103:16

aniko, mbimo yi diphuho di txi futetako, txa mora, ku si zivaneki kambe ahawa txi nga ti kona.

Masalmo 49:10

Nguko wa ti wona taku titxhari ta fa, kufana ni mabhemba ni sipumbu, va txi siya suma sawe ka vamwani.

2 Samuwele 3:33

Se mfumeli a to thula ndando ya kudila Abhineri a txi khene: Ina Abhineri kha ya fisa ku nga txiphukuphuku kani?

Eksodha 1:6

Ngako koko Josefa a di fite, ni votshe vanawe, ni lotshe liveleko la mbimo yoneyo,

Ekleziyaste 2:15

Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi.

Ekleziyaste 7:2

I txhuko kuya nyumbani ka madila, kupinda kuya nyumbani ka m'buso wa hombe, nguko nguho ku wonekako magwito a votshe vathu; se ni vale va hanyako va fanela kutipima timbiluni kwawe.

Ekleziyaste 8:10

Kambe ni woni va kubiha va txi tshotshwa, ku ti ti ni wu a nga ti ti ya dithithani; se avale va nga maha ta tinene, va nga ti ti huma ngu ka wukhalo wo sawuleka, va to divalwa didhoropani; eto ni tona mbukanganyisi.

Ekleziyaste 9:15

Se ka dona ku ti ti ni txhari yimweyo ya txisiwana, yile yi nga hulukisa didhoropa dile, ngu wutxhari wa yona, kambe ku si nga ni wammweyo a nga ti ngadi e txi alakanya txisiwana txile.

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.