Ekleziyaste 2:15 - Bhiblia Yo Sawuleka

¹⁵ Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi.

Ekleziyaste 2:15 Referans Kwoze

Ekleziyaste 6:8

Nguko, nji txani yi ku natxo txhari kupinda txiphukuphuku kani? Niku txi vhuneka ngu txani txisiwana txile txi zivako matsimbilelo masoni ka vale va hanyako kani?

Ekleziyaste 1:14

Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya.

Ekleziyaste 2:16

Nguko kha ku na mbiswa kambe ku va ni txyalakanyiso txa txhari kupinda txa txiphukuphuku; ka timbimo ti titako, votshe va na divalwa do gwita. Ati txhari yi fisako tona, ni txona txiphukuphuku txi fisa toneto.

Ekleziyaste 1:18

Nguko amu ka wutxhari wawungi ku ni kukarala ngutu; se awule a andisako wuzivi a andisa mthumo.

Ekleziyaste 1:16

Ani ni to womba mbiluni kwangu ni txi khani: Wona taku ni ti kulisile, kambe ni ti manete wutxhari, ka votshe vale va nga maneka Jerusalema, ni sanzi ku va ho ani; ngu ditshuri, mbilu yangu yi ningilwe wutxhari ni mapimo ngu mtalo.

Ekleziyaste 1:2

Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Ekleziyaste 6:11

I ti ditshuri ti to ku ni so tala si engetelako wukanganyisi, nji txani txa txhuko kambe a ku natxo m'thu kani?