Ekleziyaste 2:11 - Bhiblia Yo Sawuleka

¹¹ Se ani ni wonisisa yotshe mithumo yile yi nga mahwa ngu manza angu, kumweko ni mthumo wule ni nga wu maha, mbimo yile ni nga ti thuma; se wona taku totshe i ti ti wukanganyisi, ni kuxanisa moya, kambe ku ti si nga ni dibhindu hahatshi ka ditambo.

Ekleziyaste 2:11 Referans Kwoze

Ekleziyaste 1:14

Ni to wonisisa yotshe mithumo yi yi mahwako hahatshi ka ditambo, se ni wona ti to totshe mbukanganyisi, ni kuxaniseka ka moya.

Ekleziyaste 1:3

A bhindula txani m'thu ka mthumo wakwe wotshe, awu a wu mahako hahatshi ka ditambo kani?

1 Timoti 6:6

Ina, wukhongeli njisima txa dibhindu ka wu a zivako kutipimela.

Eksodha 39:43

Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.

Genesisi 1:31

Se Txizimu txi to wona totshe ti txi ngadi ti mahile, txi mana taku ndinene ngutu; se di to swa, ditxa: Ditshiku da wutxhanu ni dimwedo.

Habhakuki 2:13

Wonani taku, kha ti ti ngu ka Mkoma wa Mabutho a Tiyimbi taku, matiko me thumela kuhiswa ngu mndilo, ni ti to vathu ve karala ngu ta kwa mbi nyawula.

Masalmo 89:47

Alakanya, Mkoma, ti to wutomi wangu wu komile! Votshe vathu, u nga va va nga, va pinda ngu kukuluveta.

Ekleziyaste 1:17

Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya.

Ekleziyaste 3:9

A wuyelwa ngu txani mthumi, ka tile a thumako kani?

Ekleziyaste 5:10

Awule a dhundako male kha na mbi dhuka e kolwa ngu male; ni wule a randako thomba yayingi kha na mbi dhuka e kolwa ngu dibhindu da kona; eto nitona mbukanganyisi.

Ekleziyaste 5:16

Eto ni tona wubihi wu wu tisako makhombo: Ti to ati a nga tisa tona, a na tshumelisa toneto; ni ti to se dibhindu muni a ku nado ngu kuthumela moya,