Ekleziyaste 2:10 - Bhiblia Yo Sawuleka

¹⁰ Se sotshe si si nga navelwa ngu maso angu, kha na ma lambela, kambe kha na lambela mbilu yangu ka litsako ni lalimwelo; aniko mbilu yangu yi to tsakiswa ngu wotshe mthumo wangu, se atxiya ngu txona txyavelo txangu ka wotshe mthumo wangu.

Ekleziyaste 2:10 Referans Kwoze

Ekleziyaste 9:9

Hanya ni msikati wu umrandako, otshe masiku a kuhanya ka wukanganyisi wako; aale Txizimu txi nga kuninga hahatshi ka ditambo, otshe masiku a wukanganyisi wako; nguko atxiya ngu txona txyavelo txako kuhanyani kwako, ni ka mthumo wako, awu u nga wu maha hahatshi ka ditambo.

Ekleziyaste 5:18

Mhaka ya yinene yo tshura yi ni nga yi wona, ngu yiya: Ngudya ni kusela, ni kutitsakela mmwani ni mmwani, ngu dibhindu da wotshe mthumo wakwe, wule a nga wu maha hahatshi ka ditambo, ka otshe masiku a kuhanya kwakwe, aale Txizimu txi nga mninga; nguko atxiya njiavelo txakwe.

Ekleziyaste 3:22

Ngu toneto, ani ni to wona tito, kha ku na txa txhuko kupinda ku m'thu e tsakela mthumo wakwe, nguko etxo ngu txona txiningo txakwe; nguko i mani a no muwuyisa, kasi ku ta wona ti ti no humelela msana kwakwe kani?

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Masalmo 128:2

U na dya mihando ya manza ako, u na kateka, se totshe tako ti na tsimbila kwati.

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

Ekleziyaste 2:22

Nguko m'thu a bhindula txani kambe ngu wotshe mthumo wakwe, ni kukarateka ka mbilu yakwe, kule a ti karatako ngu kona, hahatshi ka ditambo kani?

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Ekleziyaste 6:9

I txhuko kuwona ngu maso, kupinda kuxengwa ngu kunavela; eto ni tona mbukanganyisi, ni kuxaniseka ka moya.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Valamuli 14:2

a to kwelela a txi ya zivisa mhakeyo ka tate wakwe ni ka mame wakwe, a txi khene: “Ni woni wamsikati kona Timina, hagari ka vanana vamahorana va Vafilista, konkuwa koko ni lowoteni, kasiku a txi maha msikati wangu.”

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Ekleziyaste 5:10

Awule a dhundako male kha na mbi dhuka e kolwa ngu male; ni wule a randako thomba yayingi kha na mbi dhuka e kolwa ngu dibhindu da kona; eto nitona mbukanganyisi.

Ekleziyaste 6:2

M'thu wule Txizimu txi nga mninga tithomba, mipeto, ni wudhumo, aha ko asi pwati txilo ka sotshe sile mbilu yakwe yi si navelako, kambe Txizimu kha txi mningi mtamo wa kusidya; aniko si dyiwa ngu mmwani; eto ni tona mbukanganyisi, kambe mbulwati wo karata.

Ekleziyaste 9:6

Hambi lirando lawe ni livengo lawe, ni wukhuxu wawe, se si fuvile; kha ve ngadi ni txyavelo ni txatximweto ka diya ditiko, ka ni txihi txi txi mahwako hahatshi ka ditambo.

Ekleziyaste 2:1

Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi.

Ekleziyaste 2:24

Ina hi nga ta tinene ku m'thu edya, e sela, e tsakisa mbilu yakwe, ngu mthumo wakwe kani? Ni woni ti to eto ni tona, tita ngu ka dianza da Txizimu.

Ekleziyaste 5:17

ni ti to eva a di dyite ka otshe masiku akwe txidemani, a di ni xomulo ya hombe, ni makhombo, ni txiviti txa hombe kani?

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.