Ekleziyaste 2:1 - Bhiblia Yo Sawuleka

¹ Ani ni to khani mbiluni kwangu: Ngono, ni ta kuduka ngu kutsaka; ti phine ngu litsako; kambe wona taku eto ni tona i ti ti wunkanganyisi.

Ekleziyaste 2:1 Referans Kwoze

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Ekleziyaste 8:15

Sekoko ani ni to dhumisa litsako, ngako m'thu asi ngako ni txa tximwetxo txa txhuko hahatshi ka ditambo, txo pinda kudya, e sela, ni ku ti tsakela; nguko eto ti na m'vhuna ka mthumo kwakwe, ka masiku a kuhanya kwakwe, ale Txizimu txi mningako hahatshi ka ditambo.

Jakobe 5:5

Mi zumbile ha mafuni mi si thumi txilo, mi txi nonisa timbilu tanu, ti ti rinzelako ditshiku da kudawa.

Jakobe 5:1

Engisani, anu vanyatithombe, dilani mi txi peka tihuwa ta hombe ngu makhombo awa ma no mi wela.

Masalmo 27:8

“Mbilu yangu ya ni gela, yi txi kha yona: Tsula u txi ya wonana ni Mkoma;” Ina, ani ni lava ku kuwona, Mkoma!

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Isaya 50:5

Mkoma Txizimu a ni tute tinzeve, se kha na mueyisa; kha ni tshumeleli msana.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Ekleziyaste 7:4

Timbilu ta titxhari ti nyumbani ka madila, aniko timbilu ta siphukuphuku ti nyumbani ka litsako.

Ekleziyaste 2:15

Ngu kumaha keto, ni ti khani mbiluni kwangu: Atile ti mahekako ka txiphukuphuku, ti na maheka ni kwangu; ngu kutxani ni nga lava wutxhari kani? Sekoko ni ti khani mbiluni kwangu, eto ni tona mbukanganyisi.

Masalmo 14:1

Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

Masalmo 10:6

Mbilu yakwe ya womba yi txi kha yona: “Kha ni na mbi nga va ni kuwiswa, kha ni na mbi welwa ngu dikhombo, ni ditshiku ni da dimwedo.”

2 Vafumeli 5:5

Se mfumeli wa Siriya a to khene: Kuluveta u tsula, u ya ningela dipasi diya ka mfumeli wa ka Israyeli. Se manzani kwakwe a ti ti ni digumi da titalenta ta silivhela, ni 6.000 wa maxekele a nzalama, ni digumi da syambalo so tshura.

Genesisi 11:7

A hi txhikeni hi txi ya hambanisa lidimi lawe, kasi ku mmwani asi swi a txi engisa lidimi la mmwani.”

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Isaya 5:5

Konkuwa koko, na mi gela ti ni no maha, ka thembwe yangu ya m'vhinya: Ni na thavisa libhingo la yona, yi na maha lihawu; ni na khundumusa diseta da kona, di na kandetelwa.

Mavingu 14:13

Hambi a txi seka, mbilu yi na panda, se magwito ka kutsaka ngu xaniseka.

Ekleziyaste 2:10

Se sotshe si si nga navelwa ngu maso angu, kha na ma lambela, kambe kha na lambela mbilu yangu ka litsako ni lalimwelo; aniko mbilu yangu yi to tsakiswa ngu wotshe mthumo wangu, se atxiya ngu txona txyavelo txangu ka wotshe mthumo wangu.

Ekleziyaste 2:25

(Nguko i mani a sikotako kudya, mwendo kupinda ani kani?)