Ekleziyaste 12:7 - Bhiblia Yo Sawuleka

⁷ ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 12:7 Referans Kwoze

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Masalmo 146:4

Ngako wu txi huma moya wawe, va hinduka ve maha lithulu la mafu; ka donedo ditshiku makungo awe ma guma.

Zakariya 12:1

Mhaka ya dipswi da Mkoma txitimwi ka Israyeli. Mkoma wu a nawulutako nzuma, a vangako makhato a mafu, a thelako moya mndani ka m'thu, a womba tiya:

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Masalmo 90:3

Awe wa sikota kutshumeta vathu ve maha lithulu, ngu ku va gela ku khawe: “Tshumelani mi txi maha lithulu anu vanana va vathu!”

Jobe 20:11

Marambu akwe ma tate ngu mtamo wa wuphya wakwe, aniko ma na otela ni nene lithuluni.

Mitengo 27:16

Mkoma Txizimu txa mimoya ya yotshe nyama, veka m'thu txitimwi ka msengeletano wuwa,

Vahebheru 12:23

Anu mi tshuketete ka Dibanza da vanana va matiwula, ava matina awe ma nga bhalwa nzumani, ni ka Txizimu Mlamuli wa votshe, ni ka mimoya ya valulami va va nga hoka kuhetisekani;

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Jobe 7:21

U lamba kudivalela sihoheto sangu, u si thavisi wubihi wangu kani? Konkuwa, ni na otela lithuluni, se ngu mabimbi-kutxa u na ni lavetetela, aniko khu na mbi ni mana.

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Mithumo 7:59

Se va to balisela Sitefani ngu marigwi, na ene a txi khongela, a txi khene: “Mkoma Jesu, amukela moya wangu!”

Masalmo 103:14

Ene wa tiziva ti athu hi nga wumbiswa tona; wa ti alakanya ti to athu hi lithulu dwe.

Masalmo 104:29

Ngako u txi si sisela khohe yako, sa rereka, ngako u txi si thavisa moya, sa fa, si txi tshumela si maha luthule.

Masalmo 31:6

Na nyenya avale va khozelako sizimu sa makuhu, kambe themba yangu ni yi veka ka Mkoma.