Ekleziyaste 12:2 - Bhiblia Yo Sawuleka

² kusanzi kuphuma ditambo, ni kuwonekela, ni mtxima, ni tinyeleti, ni kutshumela meta marefu msana ka kuwa ka mati;

Ekleziyaste 12:2 Referans Kwoze

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

1 Samuwele 4:18

Se ku to maheka tito, mbimo yi a nga khumbuka dibhokiso da Txizimu, Eli a to wa ngu nyatxisane ngu ha ka txitulu, ngu didhawa ka txike, e funyeka thamo efa, nguko a ti ti kumbile, kambe a ti ni mmidi; Kambe a lamute Israyeli mune wa wagumi a malembe.

1 Samuwele 4:15

Se Eli i ti wa tanga ya mtxhanu wa magumi ni mune ni mtxhanu wa malembe ni mararu; kambe maso akwe ma ti phumile, aha ko asi sikoti ni kuwona.

Masalmo 77:16

Mbimo yi linene li nga kuwona awe Txizimu, li to thava; ni kutshimani ka mati ku to dhudhumela.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Masalmo 42:7

Hahatshi ka mikova yo hokoma ngutu kupfala kudhinda ka singwalangwanda sako; otshe mavimbi ako ni kukhulunga ka mati ako si pindile ngu txitimwi kwangu.

1 Samuwele 3:2

Se ku to maheka tito, ka donedo ditshiku, Eli a di otete ka wukhalo wakwe (maso akwe ma to khata kuphuma, a si sikoti kuwona).

Genesisi 48:10

Kunene, maso a Israyeli ma ti si woni ta tinene ngu mhaka ya kukumba; ene a ti si woni kwati, se Josefa a to va tshuketisa hafuhi kwakwe, se ene a to va pswopswa, ni ku va khutarela.

Genesisi 27:1

Se Isaake a ti kumbile, ni maso akwe ma ti ti pfhupete aha koza ma si woni txilo, a to dhana Esawu, mwanana wakwe wa mkoma, a txi m'gela yiya: “Mwanangu!” Ene a to xamula, a txi khene: “Niho hawa.”

Matewu 24:29

“Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Joyeli 3:15

Ditambo ni mtxima si na maha sa mtima ni tinyeleti ti na thavisa kuwonekela ka tona.