Ekleziyaste 11:5 - Bhiblia Yo Sawuleka

⁵ Nga ha u si ziviko nzila ya moya, hambi ni ti ma wumbiswako tona marambu mndani ka wu a ku ni txirumbu, ngu toneto, khu yi zivi mithumo ya Txizimu, txi txi vangako sotshe somaha.

Ekleziyaste 11:5 Referans Kwoze

Johani 3:8

Diphuho di futeta mu di randako kona, se u pfa txiwudi txa dona, aniko khu ti zivi ti to di ta ngu hani ni ti to di ya hani. Ngu toneto, ti mahekako ni ka votshe va va nga velekwa ngu Moya wa Txizimu.”

Masalmo 92:5

Mkoma, mithumo yako nja hombe ngutu, mapimo ako ma etile ngutu!

Ekleziyaste 8:17

sekoko ni to wona wotshe mthumo wa Txizimu, ti to m'thu kha sikoti kuziva mthumo wu wu mahwako hahatshi ka ditambo; hambi m'thu a txo thumela ku wu mana, kha na mbi wu mana; hambi ku ngako txhari yi txo kha yona yi nga wu ziva, hambi keto, kha yi na ku wu manela.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Ekleziyaste 7:24

Asile si nga ti tshimile si kule; i mani a nga si manako kani?

Masalmo 40:5

Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

Jobe 38:4

U ti ti hayi awe mbimo yi ni nga va nga ditiko kani? Ni mahe ni tiziva, ngako u di ni wuzivi.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Ekleziyaste 1:6

Moya wu pekela wulambwe, wu jika wu ya wuphemba, wu horolokela ka otshe madhawa, wu tshumela kambe wu horolokela.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Ekleziyaste 3:10

Na tolovela kuwona mthumo wule Txizimu txi nga ninga vanana va vathu, kasi kuva txi karateka ngu wona.

Ekleziyaste 3:11

Txi mahile sotshe si di tshurile ngutu, ngu mbimo ya sona; kambe txi vekile timbiluni kwawe kualakanya ka yotshe mbimo; hambi keto, kha ku na m'thu wule a zivako mthumo wu Txizimu txi nga wu maha, kukhukhela makhatoni, kala magwito.

Ekleziyaste 11:4

Awu a wonetelako moya kha na mbi phaya, ni wule a wonetelako marefu kha na mbi funyela.