Ekleziyaste 11:2 - Bhiblia Yo Sawuleka

² Abanisela ngu makhalo a mtxhanu ni mambidi, mwendo mtxhanu ni mararu, nguko khu zivi dikhombo di di no humelela ha mafuni.

Ekleziyaste 11:2 Referans Kwoze

Mavingu 6:16

Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Jobe 5:19

Ka mtxhanu wa makhati a kuxaniseka txi na kutxhatxhisa, da wutxhanu ni mambidi wubihi kha wu na mbi kugwesa.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Vahebheru 13:3

Alakanyani ava va nga khotelwa, mi txi nga mo va ku khotelwani kumweko navo. Alakanyani avale va xaniswako, nguko na nanu mina ni mmidi.

Vaefesu 5:16

londolani mbimo yi mi ku nayo, nguko masiku a ngweno ma bihile.

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Luka 17:4

Ngako a di kuonhete ka mtxhanu ni kumbidi ngu ditshiku, se e tshumelela kwako ka mtxhanu ni kambidi ngu ditshiku, a txi khene: ‘Na ti sola’, mu divalele.”

Matewu 18:22

Jesu a to mu angula a txi khene: “Kha ni wombi ti to mtxhanu wa sikhati ni simbidi, aniko ni khani mtxhanu wa magumi ni magumi mambidi, a sikhati so balwa mtxhanu ni kumbidi.”

Matewu 5:42

Mu ninge awu a ku kombelako, ani wu a lombako txomaha kwako, u nga mtshuralele.”

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

Esteri 9:22

i ku masiku ale Vajudha va nga mana kuhumula ka valala vawe, ni mtxima wule ku nga hunduluswa kuxaniseka kwawe kumaha kutsaka, ni txidilo txi nga maha ditshiku da kuhumula; kasi ku me maha masiku a mibuso ya hombe, ni a kutsaka, ni a kurumelelana siningo, ni kuvhuna sisiwana.

Esteri 9:19

Se ni vona Vajudha vale va mikhokholani va nga ti zumba sidhoropanani, va to maha ti to ditshiku da digumi ni mune ka mtxima wa Adhari di va da kutsaka ni da mibuso ya hombe, ditshiku da kuhumula, ve rumelelana siningo ka dona.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Ekleziyaste 11:3

Ngako marefu ma di ngadi tate ngu mati, ma na ma tshakunuta ha mafuni, ni kungako mndonga wu txi wela didhawa da wuphemba mwendo da wulambwe, ka wukhalo wule mndonga wu no wela kona, wu na zumba kona eho.

Ekleziyaste 11:8

Ngako m'thu a txi hanya malembe o tala, se e tsaka mndani ka ona otshe, a na alakanye masiku a txidema, nguko ma nava amangi. Totshe ti ti humelelako mbukanganyisi.

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

1 Samuwele 25:8

Wotisa ka vafana vako va na kugela; sekoko vafana vava va na mane dikato masoni kwako, nguko hi tile ngu ditshiku da dinene; Ninga koko, ka sithumi sako ni ka mwanako Dhavhidha asi u no si mana manzani kwako.