Ekleziyaste 11:1 - Bhiblia Yo Sawuleka

¹ Rinza dipawu dako txitimwi ka mati, nguko msana ka masiku amangi, u na di mana.

Ekleziyaste 11:1 Referans Kwoze

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

2 Vakorinto 9:6

Zivani tiya: “Awu a phayako sa sidotho, a na elula sa sidotho, awu a phayako sasingi a na elula sasingi nene.”

Isaya 32:20

Mi katekile anu mi phayako txitimwi ka otshe mati, kambe mi ningako kutxhatxheka ka minenge ya tihomu, ni ya timbongola.

Luka 14:14

Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.”

Isaya 32:8

Aniko txisiwana txi maha makungo amanene, se ngu wunene txi simama txi di emile.

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.

Mavingu 11:18

Muonhi a amukela hakhelo ya wukanganyisi, aniko ka wule a phayako wululamo, ku nava ni hakhelo ya yinene.

Matewu 10:13

Ngako nyumba yi di ni fanelo, kudikha kwanu ku na zumba ka yona, aniko ngako yi si nga ni fanelo, kudikha kwanu ku na tshumelele kwanu.

2 Samuwele 17:29

ni wulombe, ni mafura a masi, ni tinvuta, ni magadi a masi a tihomu, ve si tisa ka Dhavhidha ni ka vathu vale a nga ti navo kuva ve ta dya, nguko va ti kha vona: Vathu vava va ni nzala, va karate, va ni ditora, amu txiwulani.

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Ekleziyaste 3:6

mbimo ya kulava, ni mbimo ya ku mwalalelwa; mbimo ya kuveka, ni mbimo ya kutshotsha;

Matewu 25:17

Nga toneto kambe, awule a nga amukela timbidi, a bhindute e mana timwani ta timbidi.