Ekleziyaste 10:5 - Bhiblia Yo Sawuleka

⁵ Kambe ku ngadi ni wubihi wu ni nga wu wona hahatshi ka ditambo, wo fana ni txihoheto to mahwako ngu mfumeli:

Ekleziyaste 10:5 Referans Kwoze

Ekleziyaste 5:13

Ku ni wubihi ni nga wu wona hahatshi ka ditambo, wu ndindetelako dikhombo: I ku tithomba tile vanyamne va tona va ti vekelako kusina.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Ekleziyaste 6:1

Ku ni wubihi wokari ni khalako ku wu wona hahatshi ka ditambo, wu tolovelako kumaneka hagari ka vathu:

Ekleziyaste 4:7

Ni to tshembereka kambe ni wona wukanganyisi hahatshi ka ditambo.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Ekleziyaste 3:16

Ni to wona kambe hahatshi ka ditambo tito: Ha wukhaloni ka wulamuli, ku ni wubihi; ni ka wukhalo wa wululamo, ku ni wubihi ni kona.

Mavingu 28:12

Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.

Ekleziyaste 10:4

Ngako mfumeli atxi ku henyela, u nga leke wukhalo wako, nguko txitumelelano mrende wo malata sionho sa hombe.

Ekleziyaste 10:6

Txiphukuphuku va txi khalahatshisa ka makhalo o guleka ngutu, aniko vanyatithombe va khalahatshile ka wukhalo wa hahatshi.

Mavingu 19:10

Ka txiphukuphuku kha kulaveki kuzumbiseka; ngutu-ngutu ka txithumi kuva txi fuma ka vathangeli!