Ekleziyaste 10:12 - Bhiblia Yo Sawuleka

¹² Mapswi a txisofu txa txhari ma tsakisa, aniko txisofu txa txiphukuphuku txa txi haxula.

Ekleziyaste 10:12 Referans Kwoze

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Luka 4:22

Votshe va ti ti mu fakazela ngu wunene, va txi xamala mapswi a kutala ngu kateko, ma nga txi huma ngu txisofuni kwakwe, va txi kha vona: “Ina hi nga ene mwanana wa Josefa, kani?”

Mavingu 22:11

Awule a randako kubasa mbiluni, na a di ni lure la linene, a na maha mngana wa mfumeli.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Luka 19:22

Aniko ene a ti khene kwakwe: ‘Txithumi txo biha, ni ku abanisa ngu kuwomba kwako. U ti zivile ti to ni m'thu wa tshofu, ni teka txi ni nga mbi txi veka, ni elula txi ni nga mbi txi phaya.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Mavingu 31:26

Txisofu txakwe a txi tula ngu wutxhari, kambe a emela mlayo wa kuhumelela, ngu mapswi a lidimi lakwe.

Mavingu 26:9

Divingu da mkanani ka txiphukuphuku, di fana ni mpa wo thola dianza da didevi.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Mavingu 10:10

Awule a valutelako ngu maso wa pfisa kupanda, kambe txisofu txa txiphukuphuku txi na wiswa tingana.

Mavingu 10:8

Mbilu yo txhariha ya amukela sirumo, aniko txiphukuphuku txo womba-womba ngutu txi na wiswa tingana.

Masalmo 140:9

Se va txi guleta misungo vale va ni randelako yi na welwe ngu wubihi wule va wu wombako ngu sisofu sawe.

Masalmo 64:8

va na wiswa tingana ngu mapswi awe mapune se avale va no va wona va na va tseketsela.

Masalmo 37:30

Txisofu txa m'thu wo lulama txi womba mapswi a wutxhari; lidimi lakwe li womba mapimo amanene.

Jobe 16:5

Kukhata mi ndi na ti tsanisa ngu txisofu txangu, se kuthavelela ka txisofu txangu, ku da boxisa kupandiseka kwanu.

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

Ekleziyaste 4:5

Txiphukuphuku txi khutarela mawoko a txona, txidya nyama ya mmidi wa txona.

Ekleziyaste 9:17

Mapswi a titxhari, ma dingana kuengiselwa kha kwati, kupinda diguwa da wule a khozisako siphukuphuku.

Ekleziyaste 12:11

Mapswi a titxhari ma fana ni mindombo, ni ku nga sipikiri sile si nga tsaniswa ngu vagondisi va misengeletano, hi nga ningwa ngu M'dyisi mmweyo dwe.

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

Ekleziyaste 5:6

U nga tumele taku txisofu txako txi onhisa mmidi wako, hambi kuwomba masoni ka ngelozi taku i phazamo; ngu kutxani Txizimu txi no henyela dipswi dako, txi khundumusela mithumo ya manza ako kani?