Ekleziyaste 1:9 - Bhiblia Yo Sawuleka

⁹ Atile ti nga ti tiho, ngu toneto ti no vaho; ni tile ti nga mahwa, eto ti na tshumela ti mahwa; nguko kha ku na txa txiphya hahatshi ka ditambo.

Ekleziyaste 1:9 Referans Kwoze

Ekleziyaste 3:15

Atxi txi kuho txi ti tiho; ni txi txi no vaho, txi ti tiho; kambe Txizimu txi lava bhindulo ya sile si nga pinda.

Ekleziyaste 6:10

Ni txihi txi txi kuho, txi rayilwe ditina ngu kale, kambe ta zivaneka taku i m'thu, ni ti to kha na mbi thuka e kanetisana ni wule a mpindako ngu mtamo.

Ekleziyaste 2:12

Sekoko ni to wonisisa kuhambana ka wutxhari, ni lihuhe, ni wuphukuphuku; nguko m'thu wule a londetelako mfumeli, a nga maha txani kani? To fana ni tile vamwani va nga maha.

Mtuletelo 21:1

Konako ni to wona nzuma ya yiphya ni mafu a maphya, nguko nzuma yo khata ni mafu o khata si ti fuvile ni linene li si swi li diho.

Ekleziyaste 7:10

U nge khawe: Ngu kutxani masiku a kale ma nga ti txhuko kupinda awa kani? Nguko eto ngu wutxhari khu na mbi dhuka u ti wotisa.

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Ekleziyaste 1:10

Txiho txokari txo dingana kuwombwa: Wona, atxi nja txiphya kani? Txi ti tiho kaleko, na athu hi sanzi kuvaho.